ایران اتم سلاحینا مالک اولا بیلمز، من اونلارا یاخشیلیق ائدیر، علاوه خرجلره دوشمه‌لرینه مانع اولورام.

Axar.az خبر وئریر کی، بو سؤزلری آمریکا پرزیدنتی دونالد ترامپ، دونن آخشام پاپا فرانسیسکین دفن مراسیمینده اشتراک ائتمک اوچون رما یولا دوشمزدن اول پرزیدنت طیاره‌سینده ایرانا قارشی سیاستینی شرح ائدرکن دئییب.

او، اتم سلاحینین تهلکه‌لی و بونون ایران اوچون بؤیوک وسایط خرجله‌مه‌سی ایله نتیجه‌لندیینی سؤیله‌ییب، بونون قارشی‌سینی آلماقلا ایسه تهرانین ، میلیاردلارلا دوللارا قناعت ائتمه‌سینه سبب اولدوغونو بیلدیریب.

"ایندیه‎‌دک ایرانلا راضیلاشما چوخ یاخشی کئچیب و بیز اونلارلا یوکسک سوییه‌ده مذاکره‌لر آپاریریق. دوشونوره‌م کی، اونلار راضیلاشماق ایسته‌ییرلر، بیز ده راضیلاشماق ایسته‌ییریک"،- آمریکا پرزیدنتی وورغولاییب.

قید ائدک کی، آمریکا و ایران نماینده‌لری آراسیندا دانیشیقلارین اوچونجو راوندو بو گون عمانین پایتاختی مسقط‌ده کئچیریله‌جک.