قاراباغدان ارمنستان قاچان و هله ده ایرواندا فعالیت گؤسترمه‌یه جهد ائد‌ن کئچمیش سپارات‌چی رژیمین قالیقلاری اؤزلرینه یئنی «لیدر» سئچمه‌یه حاضرلاشیر.

Axar.az خبر وئریر کی، کئچمیش سپارات‌چی رژیمین سونونجو «باشچی‌سی" ساموئل شاهرامانیانین «صلاحیت مدتی» باشا چاتیر.

سپارات‌چیلارین قالیقلاری قوندارما «پرزیدنت سئچکیلرینی» کئچیره بیلمدیی اوچون «پارلامنتلری» یئنی «پرزیدنت» سئچه‌جک. شاهرامانیانین استعفاسین‌دان ۷ گون سونرا «نامزدلر» ایر‌لی سورولمه‌لیدیر. شاهرامانیانین اؤزو یئنی‌دن «باشچی» اولماغا تردد ائدیر.

«هراپاراک» نشری یازیر کی، سپارات‌چیلار آراسیندا ساموئل بابایانین «نامزدلیینی» ایر‌لی سورمک تکلیفلری اولسا دا، او دا «باشچی» اولماق ایستمیر.

«یئنی فیگورون آدی حال‌لانیر. صحبت (کئچمیش قوندارما رژیم‌ده) «اراضی اداره ائتمه و اینفراستروکتور ناظری» اولموش هایک خانومیاندان گئدیر»، - نشر یازیر.

خانومیان ۱۹۸۴-جو ایلده ایجوان (تاریخی آدی کاروانسارای) رایونوندا دوغولوب. اشغال دؤورونده قاراباغدا فعالیت گؤسترمیش سپارات‌چیلارین «لیدرلری» اساساً اس.اس.ار.ای واختی بو بؤلگه‌ده دوغولانلار ایدی. بو باخیمدان، ایجوانلینین سپاراتچیلارا «لیدرلیک» ائتمه‌سی دقت چکیر. دیگر دیقت‌چکه‌ن مقام ایسه خانومیانین پاشینیانین یئرلیسی – ارمنی باش ناظر ده ایجوان‌دا دوغولوب – اولماسیدیر.