مسکوا روسیا-اوکراینا اطرافین‌داکی مناقشه‌نین سیاسی و دیپلماتیک حلینه آچیقدیر، لاکین کی‌یو، ائلجه ده غربین قوشونلاری یئنی‌دن گروپلاشدیرماق، حربی پوتنسیالی آرتیرماق اوچون استفاده ائده بیلجیی موقتی پاوزالاری معناسیز گؤرور.

Axar.az خبر وئریر کی، بونو روسییانین خاریجی ایشلر ناظری سئرگئی لاوروو دئییب.

«بیزه کی‌یو رژیمی و اونون خاریجی کوراتورلارینین قوشونلاری یئنی‌دن گروپلاشدیرماق، سفربرلییی داوام ائتدیرمک و حربی پوتنسیالی گوجلندیرمک ایستدیکلری فاصله لازیم دئییل. داواملی صلح اوچون مناقشه‌نین اساس سببلرینی، او جمله‌دن ناتو-نون گئنیشله‌نمه‌سی و اوکراینانین آلیانسا «چکیلمه‌سی»نی آرادان قالدیرماق لازیم‌دیر»، - او بیلدیریب.

لاوروو همچینین خاطرلادیب کی، مسکوا «یئنی اراضی رئاللیقلارینین» – کریم، سواستوپول، «دونتسک و لوگانسک خالق رسپوبلیکالاری»، زاپوروژیه و خرسون ویلایتلرینین روسیانین ترکیبینده تانینماسینی طلب ائدیر.

او وورغولاییب کی، اوکراینا هله ۱۹۹۰-جی ایلده دولت سوورنلییی حاقین‌دا بیاننامه‌ده قیده آلینمیش و ۱۹۹۱-جی ایلده «اوکراینانین مستقیللیینین اعلان ائدیلمه‌سی آکتی» ایله تصدیق ائدیلمیش نیترال‌لیق پرینسیپینه قاییتمالیدیر.