Axar.az
یوخاری


حکمدارلارین آغلاسیغماز اؤلوم سببلری: قان، گولوش...

آنا صحیفه رپورتاژ
12 Punto 14 Punto 16 Punto 18 Punto

تاریخین بعضی بؤیوک حکمدارلاری آمانسیز دؤیوشلردن ساغ چیخماغی باجارسالار دا، سونرادان غریبه، آغلاسیغماز شکیلده وفات ائدیبلر.

کولت. آز بؤیوک حکمدارلارین اینانیلماز اؤلوم سببلری ایله باغلی یازینی تقدیم ائدیر:

کرال فیلیپ

ایسپان کرالی ۳-جو فیلیپ سلیقه-سهمانی چوخ سئویردی. او، دبدبه‌لی حیاتا اوستونلوک وئریردی. معیشت قایدالارینا یئنی‌لیکلر گتیرن ۳-جو فیلیپ یوکسک زومره‌دن اولان شخصلرله باغلی بیر سیرا قانونلار قبول ائتمیشدی. کرالین قانونلارینا اساساً، زادگانلار اؤزلرینه حتی شراب سوزه بیلمزدیلر. بو وظیفه‌لری ایجرا ائد‌ن خصوصی نؤکرلر واردی.

بیر گون فیلیپ سوبانین یانین‌داکی چارپایی‌دا یوخولاییر. چارپایی سوبانین ایستی‌سیندن آلیشیب-یانماغا باشلاییر. سارای اعیانلاری کرالین چارپاییسینا توخونماق ایجازه‌سی اولان یئگانه قوللوقچونو آختاریب-تاپانادک اوتاق آلوولانیر و کرال یاناراق دونیاسینی دییشیر.

۸-جی کارل

فرانسیز کرالی ۸-جی کارل دا اؤز غریبه اؤلومو ایله تاریخه دوشوب. ۱۳ یاشیندا ایکن تاختا ایلشن کارل دؤولت ایدارچیلیین‌ده دایم بؤیوک باجی‌سی آنانین مصلحتلرین‌دن یارارلانیردی. اؤز احتیاط‌سیزلیغی ایله مشهور اولان کرال ۳۰ یاشی اولارکن تصادفا قاپینین تینی ایله توققوشاراق کومایا دوشور. بیر نئچه گون‌دن سونرا ایسه دونیاسینی دییشیر.

صلاح الدین اییوبی

۱۱۸۷-جی ایلده قودسو خاچلیلاردان آزاد ائد‌ن مصر، سورییا، یمن و فیلیسطینین آذربایجان‌لی سلطانی صلاح الدین اییوبینین اؤلومو ۸۰۰ ایلدیر چؤزولمه‌یه‌ن بیر سیرر حالینی آلیب. ۱۱۹۳-جو ایلده ۵۶ یاشیندا آنی‌دن خسته‌لنه‌ن اییوبی ایکی هفته ایچین‌ده وفات ائدیب.

ایللردیر آرخیولری آراشدیران دوکتور ایستفن قلاکمان س. اییوبینین تیفو خسته لیینه مغلوب اولدوغونو ادعا ائدیر. تیفو عادتا چیرکلی سو و قیدالاردان کئچیر. باکترییا اورقانیزمه گیردیکدن ۱-۲ هفته سونرا خسته‌لیک یارادیر.

قانسیز قالان واشینگتن

آمریکانین ایلک پرزیدنتی جورج واشینگتن ۶۷ یاشین‌دا بئله کیفایت قدر ساغلام و گنج گؤرونوردو. بیر گون پرزیدنت قریپه یولوخور. حکیملر خسته‌لیک حاقین‌دا کیفایت قدر معلوماتلی اولمادیغیندان او دؤورون ان مشهور معالیجه اصولونو سیناق‌دان کئچیریرلر. نؤوبه ایله پرزیدنتدن قان آلیب، ساغالماغینی گؤزلییرلر. سوندا ایسه واشینگتن قانسیزلیقدان دونیاسینی دییشیر.

گولمکدن اؤلن کرال

آراقون کرالی مارتین ان شن حکمدار کیمی تانینیب. بیر گون مارتینین حضورونا تلخکی گتیریرلر. تلخکین عادی، حتی معناسیز زارافاتینا اورکدن گوله‌ن کرال یئرینده‌جه کئچینیر.

سلطان سولیمان قانونی

عثمانلی شاهی سلطان سولیمان ۷ سنتیابر ۱۵۶۶-جی ایلده اؤلدو. دؤیوش عرفه‌سین‌ده اوردونون احوال-روحییه‌سینی پوزماماق، روح دوشکونلویو یاراتماماق اوچون اونون اؤلومو هامی‌دان گیزلدیلدی.

شاهین نعشی دینی قایدالارا اویغون شکیلده یویولدو، جنازه نمازی قیلیندی. داها سونرا داخیلی اورگانلاری چیخاریلدی و جسدی یاتاق اوتاغینین آلتیندا باسدیریلدی. ایسلام دینین قایدالارین ضد اولسا دا، جسدی قوخوماماسی اوچون مومییالاندی.

سحری گون زیقتوار قالاسی آلیندی. لاکین ساواش تهلوکه‌سی داوام ائتدیی اوچون اونون اؤلومو ۴۸ گون هامیدان گیزلدیلدی. اوردونون دؤنوشو عرفه‌سین‌ده قانونییه بنزه‌یه‌ن حسن آغا اونون کیمی گئیینیب، اوردونو سلاملادی و یئنی‌دن تاختینا قاییتدی.

تخمیناً ۵۰ گوندن سونرا سلطان سلیمان رسمی مراسیمله دفن ائدیلدی.

تاریخ
2020.05.05 / 22:57
مولف
Axar.az
شرح لر
دیگر خبرلر

آراز چایی یاخشی بیلیر کی، ایکی آذربایجان نه چکیر-هوشنگ جعفری

«تبریز پئشه‌لر موزه" یینین باغلانما سببلری - مصاحبه

جواد خانین سویون‌دان اولان موسیقی‌چی: «اولو بابام حاق‌دا معلومات‌سیزام"

ایران‌دا کوتلوی ایغتیشاشلار، سلاح‌لی قارشی‌دورمالار... – موصاحیبه

معمالی شکیل‌ده اؤلن ۳۵ یاش‌لی گنرالیمیز - ۸ فاکت

تبریزین تاریخی یئرآلتی یوللار و تونئل‌لری

تبریزین تاریخی یئرآلتی یوللار و تونئل‌لری

باکی‌دا کورونا اونودولدو: تیخاجلار، ماسکاسیز گزینتی... - فوتو

عثمانلی سلطانینی دئویرمک ایسته‌یه‌ن آذربایجان‌لی - سارایدا گیزلی پلان

پاندئمییا سونراسی ادبیاتین وضعیتی نئجه اولاجاق؟ – مصاحیبه

خبر خطّی
 
Axar.az'da reklam Bağla
Reklam
Bize yazin Bağla