یوخاری

ارمنی ایله ائوله‌نه‌ن، دیله‌نه‌ن آذربایجانلی میلیونچو…

آنا صحیفه رپورتاژ
12 Punto 14 Punto 16 Punto 18 Punto

اس.اس.ار.ای-نین چؤکوشو عرفه‌سینده ایلک دفعه او، بوتون دونیایا میلیون‌چو اولدوغونو آچیقلادی. ۱۹۸۹-جو ایلده آذربایجان‌لی جنت علیئو اس.اس.ار.ای-نین ایلک رسمی میلیونچوسو اعلان ائدیلدی.

ثروتیندن علاوه حیات طرزی، دوشونجه‌لری ایله ده دقت چکن جنت علیئو ۱۷ آپرئل ۱۹۵۴-جو ایلده شاهبوز رایونوندا آنادان اولوب. آتاسینی هله اوشاقکن، دوققوز یاشین‌دا ایتیره‌ن میلیون‌چو محمد فضولی آدینا اوردوباد اینترنات مکتبینده بؤیویوب.

میلیون‌چو اولاندان سونرا اوشاقلیق خاطره‌لرینی دانیشان جنت علیئو دئمیشدی: «منیم اورادا ان بؤیوک آرزوم دویونجا یئمک اولوب. بعضا پنجره‌دن دوشوب چؤرک اوغورلادیغیما گؤره دفعه‌لرله دؤیولموشه‌م».

ناخچیوان دولت پداگوژی اینستیتوتوندا تحصیل آلان جنت علیئو داها سونرا خالق تصرفاتی اینستیتوتونو و سوردلووسک دولت اونیورسیتتینین حقوق فاکولته‌سینی ده بیتیریر.

۱۹۸۲-جی ایلده‌ن سیبیر، اورال، مسکوا، سوردلووسک و دیگر ایالتلرده پلیس اورگانلاریندا ایشله‌سه ده، حاقسیزلیغا قارشی چیخدیغی اوچون ایشده‌ن آزاد اولونور.

جنت علیئوین ایلک تجارتی ایسه ناخچیواندان باکییا بیتکی اوتلاری گتیرمکله باشلاییر. علاوه اولاراق، آسفالت زاوودلارینا لازیملی ماتریاللاری دا روسییا و اوکراینادان گتیریر.

نهایت، ۱۹۸۷-جی ایلده سوئردلووسک ایالتینین یوخاری پوشما شهرینده، اوزاق اورالدا «تبریز» کوپراتیوینی قورور و مشهورلاشیر.

او اؤزونون نئجه میلیونچو اولماغی ایله باغلی غریبه صحبتلر ده دانیشیردی.

۱۹۸۶-جی ایلده سوردلووسکا قاییتدیغینی دئین جنت علیئو شهرین دیلنچیلرینه قوشولاراق، دیلنچیلیک ائتدیینی دئمیشدی. اوسته‌لیک، بیر نئچه آی واغزاللاردا گئجلییر. بیزنسین نه اولدوغو بیلینمه‌یه‌ن دورلرده ایتصاصجا اقتصادچی اولان جنت علیئو «تبریز» آدلی کووپراتیو قورماقلا، قیسا زامان عرضینده اؤلو پوللاری، اؤلو کاپیتالی، اؤلو ایستعدادلاری و اؤلو زامانلاری دیریلتمکله میلیونچویا چئوریلیر.

اصلین‌ده، جنت علیئوین بو وضعیتی اس.اس.ار.ای ایدئولوگییاسینا دا تمامیله ضد ایدی کی، بو دا های-کویه سبب اولموشدو. کمونیسم ایدئولوگییاسین‌دا کیمینسه میلیونچو اولماسی هم ده ائله بو ایدئولوگییانین چؤکوشو دئمک ایدی.

نئجه اولوردو کی، واغزالدا دیله‌نه‌ن، یاتان بیر آدام بیر آنین ایچینده میلیونلارین صاحبی اولسون؟

باخمایاراق کی، میلیونچو ایدی، جنت علیئوین حیاتی هئچ ده گؤزل کئچمیردی. او، ۲۰ یانوار فاجعه‌سینده گوله‌بارانا دوشور و بو حادثه‌یه گؤره نوبتی پسیخولوژی زده‌لر آلیر.

ثروتین‌دن علاوه فکرلری ایله ده دقت چکن جنت علیئو بیر نئچه دفعه دینینی دییشیر. اولجه خریستیانلیغی قبول ائدیر، سونرا دا کریشنالیغا سیتاییش ائتمه‌یه باشلاییر.

«باشیمی قیرخدیریب موناخ اولدوم. ۱۳ آی گئجه-گوندوز بو فلسفه‌نی اؤیرندیم، اؤیرندیکلریمی اینسانلارا یایدیم، ۱۱ اوتاقدان عبارت ایکی مرتبه‌لی عمارتیمی (باکی‌دا یئرلشیردی - رئد.) اونلارا عبادتگاه وئردیم، ۳ آوتومبیلیمی باغیشلادیم»، - دئیه‌ن جنت علیئوی همین دورلرده دلی ده حساب ائدیردیلر.

جنت علیئو سونرادان اسلاما قاییدیر، «سون قالاسینی» – یاشادیغی ائوی ساتاراق، ۱۲ مترلیک «زلفقار» قیلینجینی حاضرلادیر، آذربایجان اوردوسونا باغیشلاییر.

سونرالار ایسه پارانورمال حادثه‌لری آراشدیرماغا باشلاییر. حتی ۲۰۰۱-جی ایلده پاراپسیخولوق دیپلومو دا آلیر. اوچان نامعلوم اوبیکتلر (اونو) گؤرموش اینسانلارلا گؤروشور و اؤزو ده ۲۰۰۵-جی ایلده سوردلووسک‌دا اونو ایله راستلاشدیغینی اعلان ائدیر.

بیر چوخ جهتلری ایله فرقلنمیی باجاران جنت علیئو عینی زاماندا بسته‌کار کیمی ده فعالیت گؤستریب. ۱۹۸۹-جو ایلده «تبریز» موسیقی گروپونو یارادیر. جنت علیئوین بوتؤولوک سئودالیسی ایدی، جنوبلا شمالین بیرلشمه‌سی آرزوسویدو.

۱۲ ماهنی‌دان عبارت «تنها یولچو» آلبومو ۱۹۹۷-جی ایلده ایشیق اوزو گؤرموشدو.

خیرییه‌چی‌لیکله ده تانینان جنت علیئو بیر مدت اؤز معنوی راحتلیغینی وحشی حیوانلار ساخلاماقدا، کندیر اوزرینده گزمکده ده آختاریب.

ایکی دفعه ائولی اولان جنت علیئو بیرینجی حیات یولداشینین وفاتیندان سونرا ارمنی قیزی ایله ائولنمیشدی. اما ارمنیلرین قاراباغا ادعاسی باشلایان کیمی ارمنی قیزینی بوشامیشدی.

جنت علیئو مشقت‌لی میلیون‌چو حیاتیندا حبسخانایا دا سالینیر، مفلیس‌لشندن سونرا دلیخانادا دا معالیجه اولونور. اونون سایه‌سینده مشهورلاشان موغه‌ننی وقار یوسوبوو دئمیشدی:

«جنت علیئو یاستیغین ایچینه یوز دلارلاری دولدوروب یاتیرمیش. او قدر پیس وضعیته دوشور کی، پولو هئچ کیمه اعتبار ائتمیرمیش. سونرادان بینه قصبه‌سینده بالاجا بیر حیط ائوینده یاشاییردی. واختیله پولو باشیندان آشان آدامین سیگارتینی ده دوست-تانیش آلیردی».

جنت علیئو مفلیس‌لشمه‌سینی مافیوز گروپلار طرفیندن غارت اولونماسی ایله اضاح ائدیب. داها سونرا ایسه اونون فعالیتینده یوخلامالار آپاریلیب و نتیجه‌ده جنت علیئو حبس اولونوب. او، حبسی باره‌ده دانیشارکن بیلدیریب کی، یوخلامالار اجازه‌سیز آپاریلیب و اساس‌سیز سببلرله توتولوب.

یوکسک تضییق ایله آغجیر داماری پارتلایان جنت علیئو ۳۰ اوکتیابر ۲۰۱۴-جو ایلده باکی‌دا وفات ائدیب.

تاریخ
2024.03.02 / 11:48
مولف
اورخان ساففاری
شرح لر
دیگر خبرلر

۲۰۲۳ گونئی آذربایجان‌دا نئجه یاددا قالدی؟

رایسایا قاراباغ اوچون آمریکادا وئریلن باهالی اوزوک – فوتو

"آذربایجان" آدی تورکمنچای سازشینده - تاریخی فاکت

آتاتورک ناخچیوانلا سرحدی جیبینین پولو ایله آلیب؟

اوردوموز قافانا نظارت ائدیر - یئنی ویدئو

بو، ایرانین آذربایجان‌لیلارا دوشمن مناسیبتی‌دیر

سارا خاتونون بو خواهشینی ۲-جی محمت ائشیتمیر…

ایران دهشتلرینین عکس اولوندوغو کتاب…

جعفر جبارلینین اوغورلانمیش بئینی هارادا ساخلانیلیر؟

امیدیمی ایتیره‌نده، «کوروغلو»نو دینلییرم - گونیلی وکالیست

خبر خطّی
Axar.az'da reklam Bağla
Reklam
Bize yazin Bağla