۲۰۲۳-جو ایل گونئی آذربایجان اوچون بیر چوخ حادثه‌لرله یاددا قالدی. گونئی‌ده «میللی حکومت» چاغیریشلاری داها چوخ ائشیدیلمه‌یه، آذربایجان رسپوبلیکاسی ایله علاقه‌لر داها دا درینلشمه‌یه دوغرو گئتدی.

بو سؤزلری Axar.az-آ آچیقلاماسیندا میللی فعال قدیر جلیلوغلو ایلین یادداقالان حادثه‌لری حاقدا دانیشارکن دئییب.

او بیلدیریب کی، ۲۰۲۳ هم سئوینج‌لی، هم ده غم‌لی نوتلاری ایله خاطیرلاناجاق:

«پرزیدنت ایلهام علیئو نووروز بایرامیندا دونیا آذربایجانلیلارینی تبریک ائتدی و آذربایجان دولتینین اونلارین یانیندا اولدوغونو بیلدیردی. همچینین پرزیدنتین تورک دولتلری تشکیلاتی کنفرانس‌یندا ایران‌دا ۴۰ میلیون آذربایجان تورکونون اولدوغونو، دونیا آذربایجانلیلارینین یالنیز ۱۰ میلیونونون آذربایجان رسپوبلیکاسین‌دا یاشادیغینی قید ائتمه‌سی مهم حادثه‌لردن ایدی».

میللی فعال قید ائدیب کی، بو ایل ایران و آذربایجان آراسیندا مناسیبتلرین گرگین‌لییی ایله ده یاددا قالدی:

«۲۰۲۳-جو ایلین یانوارین‌دا تهران‌داکی آذربایجان سفیرلیینه هجوم ائدیلدی، اورخان عسگروو هلاک اولدو، واصیف تاغییئو قهرمانلیغی ایله غرور وئردی. بو حادثه‌دن سارسیلان گونئی‌لیلر خاین هجومو پیسله‌دی. اونلار آذربایجانین تبریزده‌کی کونسوللوغونا گله‌رک، اورا گول دسته‌لری قویدو و باش‌ساغلیغی وئردیلر».

او، گونئی‌ده آغریلی حادثه‌لرین، طبیعی فلاکتلرین ۲۰۲۳-جو ایلده ده درین ایز بوراخدیغینی بیلدیریب:

«اردبیلین فرزانگان قیز مکتبینده طبیعی گاز سیزماسی نتیجه‌سینده ۷۰ آذربایجان‌لی طلبه خسارت آلدی. خوی شهرین‌ده ۵.۴ بال گوجونده باش وئرن زلزله ایلین ان کدرلی حادثه‌لریندن بیری ایدی: ۲۰۹۳ ائو داغیلدی، ۱۳۳ یارالیمیز اولدو. آرادان چوخ کئچممیش تبریز، اورمو، خوی، جلفا، شبیستر شهرلرینده باش وئرن ۵.۹ بال گوجونده زلزله یئنه ده جدی فسادلارا سبب اولدو. نتیجه‌ده خوی شهرینده ۳ نفر اؤلدو، ۹۷۳ نفر یارالاندی. ائولره جدی زیان دیدی. شاختالی-قارلی هاوادا دولتین آذربایجان تورکلرینه یاردیم ائتمه‌مه‌سی اونلارین حیاتینی داها دا چتینلشدیردی.

آذربایجان میللی حرکتینین فعاللاری خوی زلزله‌سین‌دن اذیت چکه‌نلره «وطن آدینا بیرلیک یاراشار» کامپانییاسی باشلاتدی. ایران رژیمی آذربایجان و تورکییه‌دن کمک گلمه‌سینه اجازه وئرمه‌دی. تورکییه‌نین قهرمانماراش شهرینده باش وئره‌ن داغیدیجی زلزله ده گونئی‌ده چوخ بؤیوک کدرله قارشیلاندی. آذربایجان رسپوبلیکاسی ایلک یاردیما گئدن اولدو، گونئی آذربایجان میللی حرکاتینین فعاللاری دا سفربر اولاراق، یارالیلارا یاردیم ائتمک اوچون بؤلگه‌یه گئتدی. گونئی آذربایجاندان خیلی یاردیم توپلاندی.

گئرمیده یاغان آرام‌سیز یاغیشلار ایسه سل فلاکتینه سبب اولدو. مادی زیاندان علاوه بو بؤلگه‌ده یارانان ایچمه‌لی سو پروبلمی اهالینین وضعیتینی چتینلشدیردی. ایران دولتی یئنه ده آذربایجانلیلاری تالعین اومیدینه بوراخدی. لاکین گونئی‌لیلر سفربر اولاراق «وطن آدینا بیرلیک یاراشار« کامپانییاسی چرچیوه‌سینده ضررچکه‌نلره یاردیم ائتدیلر. بؤلگه‌یه لازیم اولان ارزاق و سو گؤندریلدی».

گونئی آذربایجان سیاسی تشکیلاتلارینین بو ایل فعال‌لیقلاری ایله یاددا قالدیغینی دئیه‌ن میللی فعال بیلدیریب کی، دونیانین بیر چوخ یئرینده آکسییا کئچیریلیب:

«بو ایل گونئی آذربایجان تشکیلاتلاری آوروپادا یاشایان تورکلرله بیرلیکده آکسییالار کئچیرمک قراری وئردی. ۲۵ مارتدا بروکسل‌ده باش توتان «آزادلیق و عدالت یوروشو» ایله گونئی مسئله‌سی دونیانین دقتینه چاتدیریلدی. اونون آردینجا ۲۰ مای - خورداد قیامی عرفه‌سینده بئرلینده گونئی آذربایجانلیلار ایکینجی آکسییانی کئچیرمه‌یه نایل اولدو. همچینین، ایستانبولدا گونئی آذربایجان ۳-جو فورومو، ایزمیرده آذربایجان کولتور و صنعت فستیوالی باش توتدو».

قدیر جلیلوغلونون سؤزلرینه گؤره، ایل داها چوخ اعتراض آکسییالاری ایله خاراکتریک ایدی:

«اورمو گؤلونون قصداً قورودولماسی ایلین اساس حادثه‌لری سیراسین‌دا ساییلا بیلر. بو سبب‌دن گونئی آذربایجان‌دا اکوفاللار اورمو گؤلونون اطرافیندا توپلانیب، گؤلون قورودولماسینا اعتراض ائتدیلر. سیلسیله اعتراض آکسییالارینین کولیمیناسییا نقطه‌سی ایسه سنتیابرین ۲-ده اولدو و خیلی سایدا اینسان خاریجده‌کی گونئی آذربایجان تشکیلاتلارینین چاغیریشی ایله کوچه‌لره چیخدی. ایران رژیمی چوخسایلی حربی قوه‌لرینی کوچه‌لره تؤکه‌رک، آکسییانین کئچیریلمه‌سینه انگل تؤرتدی. تبریز، اورمو و دیگر شهرلرده اعتراضلاردا اشتراک ائد‌ن خیلی وطنداش حبس اولوندو».

او قید ائدیب کی، قاراباغدا آپاریلان آنتی‌ترور حادثه‌لری گونئی‌لیلر اوچون خصوصیله یادداقالان ایدی:

«آذربایجان شان‌لی اوردوسو خانکندیده سپارات‌چیلارین وارلیغینا سون قویاراق، آنتی‌ترور تدبیرلرینی بیرجه گونون ایچین‌ده اوغورلا سونا چاتدیردی. گونئی آذربایجان‌دا بو ظفر سئوینجله قارشیلان‌دی. سیاسی پارتییالار و خالقیمیز دستک نماییش ائتدیره‌رک، ایری شهرلرده بو مناسیبتله آتشفشانلیق ائتدی. بعضی یئرلرده آذربایجان بایراغی آسیلدی».

اونون بیلدیردیینه گؤره، ایلین سون آیلاری ایسه میللی فعاللارین حبسی ایله ناراحاتلیق دوغوردو:

«آرتیق سون اوچ آیدان چوخدور کی، گونئی آذربایجان میللی فعاللاری سبب‌سیز یئره توتولاراق، حبسه گؤندریلیر. اونلارین هانسی شرایط‌ده ساخلانماسی، دورومو باره‌ده معلومات‌سیزلیق عائله عضولری طرفیندن بؤیوک ناراحاتلیغا سبب اولور. تأسف کی، بعضیلری بایرامی هله ده زینداندا کئچیره‌جک».