اوکتیابرین ۲۶-دا گرجستان‌دا کئچیریله‌جک پارلامنت سئچکیلری بو اؤلکه‌نین پارچالانماسی تهلوکه‌سینی یارادیب. گورجو آرزوسو پارتییاسینین رقیبلری حساب ائدیر کی، اقتدار حاکمیتی قازانماق اوچون هر شئیی ائد‌جک، حتی زوراکیلیغا ال آتاجاق. لاکین بونون غرب‌دن اوزاقلاشان و مستقل خاریجی سیاست یوروتمه‌یه چالیشان حاکمیته قارشی اؤنجه‌دن آنتی‌رایین یارادیلماسینا حسابلانمیش ادعالار اولدوغو دا استثنا ائدیلمه‌مه‌لی‌دیر.

آرتیق غرب‌ده گرجستانی اؤز اربیت‌ینده (مدار) ساخلاماغین یوللاری آختاریلیر.

«فایننشل تایمز» نشرینین «غرب لیدرلری گرجستان‌دا گئنیش‌مقیاس‌لی بحران اولاجاغی تقدیرده پلان حاضرلامالیدیر» قیدی ده بوندان خبر وئریر.

«تیفلیس‌ده آتموسفر گرگیندیر. بعضیلرینه گؤره بو وضعیت ۲۰۱۲-جی ایلی – ایوانیشویلینین ساآکاشویلینی مغلوب ائتدیی سئچکینی خاطرلادیر. ساآکاشویلینین حاکمیته گلیشیندن سونرا گرجستان‌دا جدی دموکراتیکلشمه اولسا دا، تهلوکه‌سیزلیک پروبلملری یاراندی. نتیجه‌ده روسیا ۲۰۰۸-جی ایل محاربه‌سینه باشلایاراق، گرجستانا مداخیله ائتدی. ایندی عینی سناریلرین بو و یا دیگر فورمادا ایوانیشویلی دؤورونده تکرارلانماسی ریسکلری وار. بو یاز اون مینلرله ق.ح.ت «خاریجی آگنتلر حاقیندا قانونا اعتراض اولاراق کوچه‌یه چیخسا دا، حکومت قانونو قبول ائتدی. بونونلا یاناشی، ل.گ.ب.ت تبلیغاتینا قارشی قانونلارین سرتلشمه‌سی ده فاجعه‌لی وضعیت یارادیب»، - نشر یازیر.

نشر قید ائدیر کی، گرجستان مخالیفتی سئچکیده غالیب گله‌جکلرینه اومید ائدیر: «لاکین سس‌وئرمه تکجه تیفلیس‌ده کئچیریلسیدی، بو، بئله اولاردی. بؤلگه‌لرده وضعیت فرقلی‌دیر. مثال اوچون، ترکییه ایله سرحدده یئرلشن کیچیک آخالسیخ شهرینده یئرلی ساکینلر حاکم پارتییانی دستکلییر».

فایننشل تایمز سئچکی دؤورونده گرجستان‌دا بیر نئچه سناری پروگنوزلاشدیریر.

«بیرینجی‌سی، گورجو آرزوسو غالیب گلرسه، غرب‌دن داها دا اوزاقلاشاجاق.

ایکینجی‌سی، گورجو آرزوسو مغلوب اولارسا، حاکمیتی ساخلاماق اوچون مختلیف واریانتلارا ال آتا بیلر.

اوچونجوسو، غرب «تیفلیس مایدانی» تشکیل ائده بیلر، لاکین بو، داها چوخ روسییانین ادعاسی‌دیر»، - نشر قید ائدیر و علاوه ائدیر کی، اوکتیابر سئچکیلری گرجستان‌دا سیاسی-سوسیولوژی پارچالانمانی درینلشدیره‌جک.

تیفلیس‌ده باش وئره‌نلر آذربایجان اوچون ده خصوصیله اهمیتلی‌دیر. تکجه اونا گؤره یوخ کی، بو اؤلکه ایله قونشویوق، هم ده گرجستان سئچکیلرینین نتیجه‌لری جنوبی قفقازدا قوه‌لر بالانسینی معینلشدیره بیلر.

گورجو آرزوسو غالیب گلرسه، غرب بؤلگه‌ده جدی تأثیر ایتکی‌سی ایله اوزلشه‌جک، یاخود ایتیرمک پرسپکتی ایله اوز-اوزه قالاجاق. بو حال‌دا تیفلیس‌ده «رنگلی انقلاب» سناری‌سینین تکرارلانماسی گونده‌مه گله بیلر. بونا پارالل اولاراق، گورجو آرزوسو دا حاکمیتی قوروماق و مستقیل خاریجی سیاسی کورسو داوام ائتدیرمک اوچون الین‌دن گلنی ائتمه‌یه چالیشاجاق کی، نتیجه‌ده قارشی‌دورما درینلشه بیلر. باش وئره‌نلر اوکتیابر آییندا آذربایجانین قونشولوغوندا جدی قارشی‌دورمالارین یاشاناجاغیندان خبر وئریر.