آنا صحیفه رپورتاژ |
۳ کند ساکینی ۶۰۰ هئکتاردان چوخ مئشه یانغینینین گوناهکاری کیمی گوناهلاندیریلیر، مسئله ده بئلهلیکلهده بیتیر!
شرقی آذربایجان عدلیه رئیسی موسی خلیلوللاهی قاراداغ یانغینلاری ایله باغلی کند ساکینی اولان ۳ نفری مئشهلره قصداً اود وورماقدا اتهام ائدرک ساخلانیلدیقلارینی بیلدیریب.
همین خبرین معلوماتیندا ۳ نفری اوتلاق اراضیلرینی گئنیشلهندیرمک مقصدی ایله مئشهلره اود وورماسی بیلدیریلیر. همچینین، یانغینین اوزادیلماسیندا دا بو ۳ نفرین اتهام ائدیلدیی بیلدیریلیر.
مسئله نن آیدینلانماسی اوچون بو بؤلگهده باش وئرهن یانغینلاری آراشدیردیق. البته، اؤنجهلیکله باش وئرهن حادثهنین عاملینی آختاران محکمهنی آلقیشلاییریق، اما..:
یانغینلاردا بیزه معلوم اولان ایلک مسئله بوندان عبارتدیر کی، باش وئرهن بوتون یانغینلارین سؤندورولمهسینده یئرلی اهالی یاردیم ائتمیشدیر. حتی یاردیم ائدن یئرلی اهالینین بیر نئچه نفری یانغینلاری سؤندوررکهن بدن حیصهلرینین یانماسی نتیجهسیندن گونلرله خسته خانادا یاتدیغی حاللار دا یاشانیب.
آیری بیر مسئله داها وار، او دا بو یانغین ایلک دفعه باش وئرمیر. بیر سوال یارانیر؛ بوندان اؤنجه باش وئرهن یانغینلاردا کیملر، هانسی محکمهده محاکیمه ائدیلیب؟ هئچ کیمسه بو سوالین ان دوغرو جوابیدیر. البته، اولا بیلر باش وئرهن یانغینلارین سببی هر کسدن گیزلی قالیب.
داها بیر سوال یارانیر: بس همین مئشهلرین یانغینینین سببینین ۲۰۱۷-جی ایلین ۵-جی آییندا کلئیبر شهرینین شهرداریسی اولدوغو ثبوت ائدیلمیشدیر. هم ده بیر نئچه دفعه. اونلار محاکیمه ائدیلمهدیلر؟ البته، بو سوالین جوابینی میللت اؤزو وئرمهلیدیر.
یانغینلارین اوزادیلماسی بارهده کلئیبرین میللت وکیلی قولو آللاهقولیزاده دئدی کی، شیمال-غرب اوستانلارینین ۴-ده ۱ هئلیکوپتئر بئله یوخدور. جناب خلیللوللاهی بو بارهده ندن مرکزچی سیاستی محاکیمه ائتمیر؟ یانغینلار هانسی شخصین و یا هانسی عاملین اولدوغو بیلینمهسه ده، ۱ هفتهدن چوخ داوام ائتمهسینین عاملی گون کیمی هر کسه آیدیندیر.
هانسی کی، بو اراضیلر میللی اولاراق موحیط زیست سازمانی طرفیندن قورونماقدادیر. یانغینلارین ۴ گون داوام تاپماسیندان سونرا ایلگیلی مسئوللار حادثه یئرینه گؤندریلدیلر. نهایت، یانغینلارلا باغلی بیر باشا بیر نئچه قوسورلو اولان مسئوللاردان کیم محاکیمه ائدیلدی، هانسی محکمهده؟
تاریخ
2019.09.19 / 17:15
|
مولف
Axar.az
|