Axar.az
یوخاری


حداد عادیلین بو شعری کیتابین جیلدینده چاپ اولونوب

آنا صحیفه رپورتاژ
12 Punto 14 Punto 16 Punto 18 Punto

کئچمیش‌ده حداد عادیلین بیر شعیر عمومتحصیل کیتابلارینین ایچین‌ده چاپ اولوندوغو اوچون بعضی اعتراضلار ائدیل‌سه ده، ایندی همین شعیر کیتابین جیلدین‌ده چاپ اولونوب.

شعیرین مزمونو بئله‌دیر کی، بو دیل خوجند، تهران، تبریز… اهالی‌سینین دیلی‌دیر. شعیردن تام آیدین گؤرونور، شعیرین مؤلفی داخیلین‌ده اولان رؤیانی بیر حقیقت سانیب، تبریز میللتینی کابیل، نئیشابور شهرلرینین ساکینلری کیمی فارسدیل‌لی گؤرمک ایستییر. بو، بیر داها حداد عادیل و اونونلا عینی خیاللاری یاشایانلارین آرزولارینی اؤزون‌ده عکس ائتدیریر. البته، تکجه حداد عادیل بو خیاللارلا یاشامیر. عینی ایدئولوگییایا قوللوق ائد‌ن چوخلاری ایندی تحصیل ناظیرلیینه داخیل اولوب، هر گون بیر بهانه ایله آنا دیلینی اوشاقلاریمیزین بئینین‌دن سیلمه‌یه جهد گؤستریر و تزه تشببوس ایر‌لی سورورلر. دیلی تورک دیلی اولان تبریزلی بالاسی بئله بیر شعیری اؤز کیتابینین جیلدین‌ده گؤره‌نده، گؤره‌سن، نه فیکیرلشه‌جک. بئله بیر آددیم اوشاق‌دا «کیم‌لیک بحرانی»نا سبب اولمازمی، گؤره‌سه‌ن؟

بئله بیر تشببوسون قارشی‌سینی یئرلی مسئوللار، او جمله‌دن، والی و ایجرا باش‌چیلاری (فرماندارلار)، خصوصیله، آذربایجان‌دان اولان میللت وکیللری آلمالی‌دیر.

گؤره‌سن، بو سوالا والینین و میللت وکیللرینین جاوابی نه اولاجاق؟ میلی مجلیسین ایسپیکر معاوینی جناب پزشکیان و دیگر وکیلی بئیگی، گؤره‌سه‌ن، همیشه اولدوغو کیمی بو دفعه ده اؤز اینستاگرام صحیفه‌لرین‌ده بیر پوست قویماقلا بوتون پروبلئملرین حل اولوندوغونو – هم ده اونلارین اؤز علی ایله حل اولدوغونو – بیل‌دیره‌جک؟ تبریزین تورکدیل‌لی بالالاری نه اوچون بئله بیر تورک میللتینه قارشی یؤنلمیش سیاستین قوربانی اولمالی‌دیر؟

جناب سعیدی و جناب فرهنگی! سئچکیلر زامانی چوخ سؤزلر دئییر و چوخ وعدلر وئریرسینیز. گؤزلییریک گؤرک بو باره‌ده نه کیمی آددیملار آتاجاقسینیز؟ دیگر ایکی میللت وکیلین‌دن هئچ نه گؤزلمیریک. چونکی اونلاردان نه ایسه اومماق واخت ایتکی‌سی‌دیر.

همین شعیر ایللر اول کیتابین ایچین‌ده چاپ اولونان‌دا بعضی اعتراضلار ائدیل‌دی. بو ایل ایسه همین شعیر کیتابین اوزلویون‌ده چاپ اولونوب کی، گؤسترسین بئله بیر اعتراضلار هئچ یئره چاتمایاجاق.

قید ائدک کی، غلامعلی حدا عادیل فارس دیلی آکادمیایسینین رئیسی‌دیر. توتدوغو وظیفه‌نین ماهیتی ایجاب ائدیر کی، بو جناب فارس دیلینی اینکیشاف ائتدیرسین و اونو دیگر دیللردن، او جمله‌دن، سؤزلرینین ۶۰-۸۰ فایزینی تشکیل ائد‌ن عرب دیلین‌دن تمیزله‌سین. قید اولونان ساحه‌ده بو جناب هئچ بیر آددیم آتماییب. لاکین اؤزونون و اونونلا عینی مؤقع‌ده اولان اینسانلارین بیرینجی مقصدی فارس دیلینین قورونماسی و تمیزله‌نمه‌سی یوخ، فارس دیلین‌دن باشقا دیللرین محو ائدیلمه‌سی‌دیر.

تاریخ
2019.09.27 / 17:34
مولف
Axar.az
شرح لر
دیگر خبرلر

نووروزدا «هفت سین» آنلاییشی: سوفره‌یه قویولان ۷ نعمتین سیرری

ائرمه‌نیلره بو یولو تکلیف ائتدیک، لاکین... - تورال گنجلیئو

میللی حرکاتین نفوذونو آرتیق گونئی خاریجین‌ده ده گؤروروک- ایسابی‌لی

خالق موسیقی‌سی خالقیمیزی بیر آرایا گتیریر-گونئی‌لی موسیقی‌چی

مجلیس سئچکیلرین‌ده گونئی آذربایجان‌لیلار کیمی دستکلییر؟

عالیم پاشینیانین «تیقران ادعاسی»نی دارماداغین ائتدی

ایران‌دا آرتیق یئنی بیر تورک کینوسو دالغاسی وار-اورال حاتمی

رفتم که رفتم" ماهنی‌سینین آذربایجانلی ایفاچیسی-ویدئو"

تبریزین ایشه یارامایان یئر اوستو کئچیدلری – فوتو

خالق آرتیستی باکییا قاییت‌دی: دیز اوسته چؤکوب...

خبر خطّی
 
Axar.az'da reklam Bağla
Reklam
Bize yazin Bağla