بیر چوخ حاللاردا والیدینلر اوشاقلارداکی اورک خسته لییندن خبرسیز اولور و خسته لیین علامتلرینی آنلاماییب عادی حال کیمی قبول ائدیرلر. بو ایسه سون نتیجه‌ده داها آغیر فسادلارا گتیریب چیخاریر و معالیجه‌نی داها دا چتینلشدیریر.

مسئله‌یه مناسیبت بیلدیره‌ن اینوازیو اوشاق کاردیولوگو ائلنور ایمانوو ترند-ا دئییب کی، والیدینلر بیر چوخ حاللاردا بو خسته لیین علامتینی گئج آنلاییرلار. اونون سؤزلرینه گؤره، اورک ناراحات‌لیغی اولان کؤرپه‌لر قیدانی چتین قبول ائدیرلر:

«آنادان و یا امزیک‌دن قیدا قبول ائد‌ن زامان ترلییر، تئز-تئز نفس آلما احتیاجی دویور و آغلایارکه‌ن گؤیرمه اولا بیلیر. تکرارلانان آغجیر اینفئک‌سییاسی دا اورک خستلیینین علامتلری آراسین‌دادیر».

ائلنورایمانووون سؤزلرینه گؤره، عمومیتله، دونیا ایستاتیستیکاسینا گؤره، اوشاقلارین ۸/۱۰۰۰-ی آنادان گلمه اورک چاتیشمامازلیغی ایله دوغولور. ایمانوو آذربایجاندا دا بو جور اوشاقلارین ساییندا آرتیم اولدوغونو حساب ائدیر:

"اگر اولر آذربایجاندا یونگول آنادان گلمه اورک چاتیشمامازلیغی خسته‌لیکلری قارشییا چیخیردیسا، ایندی تأسفلر اولسون کی، داها آغیر آنادان گلمه اورک قصورو خسته‌لیکلرینه راست گلینیر".

اوشاق کاردیولوگونون سؤزلرینه گؤره، اوشاقلارین آنادان گلمه اورک قصورلو اولماسینین بیر سیرا سببلری وار:

"قوهوملار آراسیندا ائولیلیک، گنتیک فاکتورلار، ارکن ائولیلیک، حامیله‌لیک دؤورونده ایستیفاده ائدیلن بعضی درمانلار، الکل، نارکوتیک، رنتگن شعاسینا معروض قالما و س. عامللر کؤرپه‌ده اورک چاتیشمامازلیغی میدانا گلمه ریسکینی آرتیرا بیلر».

ایمانوو دئییب کی، اوشاقلاردا اورک قصورونون عمله گلمه‌مه‌سی اوچون حامیله‌لیک دؤورون‌ده دقتلی اولماق واجیبدیر:

"حامیله‌لیک دؤورونده قادین آغیر اینفکسیون خسته‌لیکلر کئچیرمه‌مه‌لیدیر و اگر کئچیریبسه، جدی معالیجه اولونمالیدیر. عینی زاماندا قیدالانمایا دقت یتیریلمه‌لی‌دیر. حامیله لیین ۱۵-جی هفته‌سین‌ده آنا بطنین‌ده اوشاغین اوریی یوخلانمالی، هانسی‌سا قصور آشکار ائدیلرسه، لازیمی معلیجه آپاریلمالی‌دیر. بونلارا عمل اولونسا، اوشاقلاردا اورک قصورونون یارانماسینین قارشیسی آلینار".

حکیم قید ائدیب کی، اورک قصورو ایله دوغولمایان اوشاقلاردا ایسه قازانیلمیش اورک قصورونون قارشی‌سینی آلماق اوچون دقتلی اولماق واجیب‌دیر:

"بیرینجی نؤوبه‌ده اوشاقلاری اینفکسیون خسته‌لیکلردن قوروماق لازیمدیر. اوشاق آنادان اولاندان سونرا اووال پنجه آچیق اولور و سونرادان باغلانیر. مطلق شکیلده اووال پنجه‌نین قاپانیب-قاپانماماسی یوخلانمالیدیر. اگر قاپانماییب‌سا، معالیجه آپاریلمالی‌دیر، چونکی بو، سونرادان داها جدی پروبلملره یول آچا بیلر".