دونیادا ان چوخ قبول ائدیله‌ن ۲۶ مئیوه‌دن بیری ده کیویدیر.

اؤلکه. آذ خبر وئریر کی، کیوینین اینسان اورقانیزمینه بیر چوخ فایداسی وار. کیوی ج ویتامینی ایله چوخ زنگیندیر. سویوق هاوالاردا قبول ائدیلمه‌سی نفس آلما ایله باغلی پروبلملری آزالدیر.

کیوی اساساً آستما و نفس دارلیغی، نفس آلما پروبلمی اولان اینسانلار اوچون چوخ فایدالیدیر. ۱۰۰ گرام کیوینین ترکیبین‌ده ۱۰۰-۴۰۰ میللیگرام ج ویتامینی وار. بوندان باشقا ماقنزیوم، پوتاسیوم ایله ده زنگین‌دیر.

کیوینین ترکیبین‌ده ای ویتامینی، میس، فوسفور، ب۲، آ ویتامینی ده وار.

ایتالییادا ۱۸ مین اوشاق اوزرینده آپاریلان تجروبه ثبوت ائدیب کی، ج ویتامینی ایله زنگین اولان کیوی قبول ائد‌ن فردلرین ۴۴%-ی نفسالما ایله باغلی پروبلمی آزالیب.

ج ویتامینی همچینین دامارلارین ساغلام‌لیغی ایله ان واجیب ویتامین ساییلیر.

کیوی قانی دورولدور، کولسترینین سوییه‌سینی تنظیملییر، دامارلاردا ترومبلارین عمله گلمه‌سینین ریسکینی و بونونلا دا اینسولت و اینفارکت ریسکینی آزال‌دیر.

کیوی کیشیلرده جین‌سی ایستیینی آرتیریر، پروستات وزینین ساغلاملیغینی قورویور.

کیوینین گوجلو آنتی‌کانستروگن (خرچنگ علیهینه) خصوصیتلری واردیر.

کیوینین دیگر فایدالی خصوصیتی باغیرساقلارین فعالیتینی یاخشیلاشدیرماقدیر. لیفلرله زنگین اولان کیوی باغیرساقلاری تمیزلییر، قبیزلیین(خشکیت) قارشی‌سینی آلیر. متخصصلر قبیزلیکدن اذیت چکه‌نلره یاتمازدان قاباق ۲ کیوی یئمیی توصیه ائدیرلر.

کیوی ایسترسی آزالدیر، دئپرسییانین قارشی‌سینی آلیر، اورگانیزم‌ده شکرین میقدارینی تنظیملییر، گؤرمه قابیلیتینی آرتیریر، اوشاقلاردا سوموک و بئیین اینکیشافینا تکان وئریر، فورمادا قالماغا کؤمک ائدیر.