اوشاقلاردا دیش قیجیرداتما – علمی آدی ایله دئسک، بروکسیزیمدیر. بروکسیزیم دیشلرین بیر بیرینه سورتولمه‌سینه، سیخیلماسینا دئییلیر. تام سببی بیلینمیر، آنجاق تأثیر ائد‌ن بیر سیرا فاکتورلار وار.

آخار. آذ خبر وئریر کی، ایستوماتولوژی پروبلملرده (چوروک دیش، داماق پروبلئملرینده)، دیش چیخارما دؤنه‌مینده دیش قیجاما حاللاری باش وئره بیلر.

پسیخولوژی سببلر سیراسیندا ایسترسلی موحیط‌ده بؤیوین اوشاقلاردا، مکتبده اوغورسوزلوغو اولان، والیدینلری تئز تئز موباحثه ائد‌ن اوشاقلاردا موشاهیده ائدیله بیلر.

دقت اسکیکلیگی و هیپراکتیو اوشاقلاردا، رئفلوسو اولان اوشاقلاردا دیش قیجیرداتما چوخ راست گلینیر. همچینین قولاق آغری‌سی، اوتیت زامانی دا اوشاقلارین دیش قیجیرداتماسی یاشانیر.

پدیاترلار بیلدیریر کی، اگر قیجیرداتما ایله برابر، آغیزدان سو آخماسی، آنال ناهییه‌ده قاشینما، قارین آغری‌سی، ایشتاه‌سیزلیق دا وارسا، قورددان شوبهه‌له‌نمک لازیمدیر. بورونلا نفس آلینماسینا مانعه اولان حاللاردا آلرگیک رینیت، آدینوید اولان اوشاقلاردا دا دیش قیجاماسی اولور.

بروکسیزیمین اؤزل معالیجه‌سی یوخدور، ساده‌جه شرایط یارادان سبب وارسا، آرادان قالدیریلمالیدیر. بو حال اوزون موددتلی داوام ائدرسه، ایستوموتولوقون و پدیاتیرین باخیشی مصلحتدیر. چونکی بو وضعیت اوزون مدت داوام ائتدیکده دیشلرده یئییلمه‌لر، چئینه‌مه عضله‌لرینده آغری یارانا بیلر.