دونیا شؤهرت‌لی تورکییه‌لی پروفسور و اورک جراحی محمت اؤز چارپایینین آلتینا لاواندا صابونو قویماغی توصیه ائدیب. بس بو، نیه فایدالیدیر؟

آخار. آذ تورکییه مطبوعاتینا ایستینادا خبر وئریر کی، تورکییه‌لی حکیم بو اصولون ناراحات آیاق سیندرومونا مثبت تأثیر ائتدیینی ایر‌لی سوروب.

ناراحات آیاقلار سیندرومو یوخودا، یا دا استراحت زامانی (اوتورارکن و یا یاتارکن) آیاقلاردا حس ائدیله‌ن راحتسیزلیق، اویوشما بعضا ده تام اولاراق ایفاده اولونمایان بیر حس‌دیر. بو خوش اولمایان حسی آرادان قالدیرماق اوچون اینسان آیاقلارینی دایم حرکت ائتدیرمک مجبوریتین‌ده قالیر.

ناراحات آیاق سیندرومونون سببلری موختلیف‌دیر. بونون آلتین‌دا پارکینسون خسته‌لیگی، بؤی‌رک چاتیشمازلیغی و دیابت کیمی سببلر یاتا بیلر. بعضا قبول ائدیله‌ن بعضی درمانلار و یا هامیله‌لیک ده ناراحات آیاق سیندرومونا تکان وئریر.

دوکتور محمت اؤز بونا طبیعی حل یولو کیمی لاوان‌دا سابونو مصلحت گؤروب. اونون سؤزلرینه گؤره، بو اصول علمی باخیم‌دان تصدیقینی تاپماسا دا، صابون‌دا اولان سودیوم کلورور دریدن بدنه داخیل اولور.

آمریکانین نفوذلو خسته خاناسین‌دا چالیشان حکیم بو وضعیت اوچون عضله‌لری یومشالدیجی خصوصیتلره صاحب اولان لاوان‌دا صابونونو تکلیف ائدیر.