قهوه حاقین‌دا علمی معلومات اینستیتوتونون (ایسیج) تدقیقات‌چیلاری قهوه‌دن ایستیفادنین ایکینجی تیپ شکرلی دیابئت ریسکینی ۲۵ فایزه قدر آزالتدیغینی آچیقلاییبلار.

آخار. آذ خبر وئریر کی، بو باره‌ده «ائورئکالئرت» پورتالیندا اینفورماسییا درج اولونوب.

تدقیقاتلار گون عرضین‌ده ۳-۴ فینجان قهوه ایچمیین هم کیشی، هم ده قادینلاردا ایکینجی تیپ شکرلی دیابئت ریسکینی ۲۵ فایزه قدر آزالتدیغینی گؤستریب. اکسپرتلر بو فایدالی تأثیرین هم کوفئینلی، هم ده کوفئینسیز قهوه‌ده عینی اولدوغونو بیلدیریبلر.

قهوه ایستهلاکی ایله ایکینجی تیپ شکرلی دیابت خسته‌لیگی آراسینداکی علاقه‌لری اؤیره‌نن پروفئسور کئلد هرمانسن بو پروسسه تأثیر گؤستره بیله‌جک بیر سیرا عامللرین (آنتی‌وکسیدانت، ایلتیهاب علیهینه و ترموگئن افکتلری) اولدوغونو دئییب.

قید ائدک کی، ایکینجی تیپ شکرلی دیابئت (اینسولین‌دن آسی‌لی اولمایان دیابئت) خسته‌لرین‌ده پریفریک توخومالاردا (خصوصیله عضله و یاغ توخوماسین‌دا) اینسولینین تأثیری یترسیزدیر. بونا اینسولین مقاومتی دئییلیر. بوندان علاوه، معده آلتی وز قان‌داکی شکر یوکسلمه‌سینه جواب اولاراق یئترلی میقداردا اینسولین ایفراز ائده بیلمیر. زامان کئچدیکجه اینسولین ایفراز ائد‌ن بئتا هوجئیره سایی آزالیر. بو حجئیره‌لر آزالدیقجا اینسولین میقداری آزالیر و قاندا شکر یوکسلمه‌یه باشلاییر.