والیدینلری ان چوخ ناراحات ائد‌ن مسئله‌لردن بیری ده اوشاقلارین آز یئمه‌سی، ایشتاهسیز اولماسی‌دیر. اکثر آنالار اوشاغین ساغلاملیغینی اونون کؤک اولماسی ایله علاقلندیردیی اوچون باجاردیقجا اونا چوخ یئمک یئدیرمه‌یه چالیشیرلار. آنجاق متخصصلر بیلدیریر کی، بو، اولدوقجا سهو یاناشمادیر. خصوصیله، اوشاق یئمک ایستمدیینی بیلدیریرسه، اونو مجبور ائتمک لازیم دئییل. بئله اولدوغو حال‌دا اوشاق‌دا ایشتاه‌سیزلیق یارانیر.

مؤوضو ایله باغلی Axar.az-آ آچیقلاما وئره‌ن پئدیاتر آلتای آبدوللاوغ‌لو اوشاقلاردا ایشتاه یاراتماغین یوللارین‌دان دانیشیب:

«بیر اوشاغین بوی و چکی‌سی یاشینا گؤره نورمال‌دیرسا و احتیاجی قدر یئییرسه، ناراحات اولماغا اساس یوخ‌دور. بعضی اوشاقلار آریق اولسالار دا، تام ساغلام اولورلار. اوشاقلارین یاخشی و یا پیس قیدالانماسی والیدینلرین وئردیی تربییه‌دن چوخ آسیلیدیر. یعنی رژیمسیز قیدالانما، یئمک آراسین‌دا شیرنیاتلارین وئریلمه‌سی، خسته اولان زامان اوشاغی مجبور ائتمک و سایر مسئله‌لر اوشاغی ایشتاهسیز ائدیر. اونوتمایین کی، اوشاق آز یئیه‌رک ده یاخشی اینکیشاف ائده بیلر.

اوشاغین قاباغینا چوخ دئییل، اویغون میقداردا یئمک قویولمالیدیر. عصبیلشمه‌دن، مجبور ائتمه‌دن یئدیزدیرمک لازیمدیر. اوشاغا یئمکدن اول کیک، بیسکوییت، آجیل کیمی قیدالار و شیرینچای وئریلمه‌مه‌لیدیر.

اوشاغین هوسینی آرتیرماق اوچون بزکلی بوشقابلاردان ایستیفاده ائتمک، یئمیی موختلیف فورمادا تقدیم ائتمک لازیمدیر.

آچیق هاوادا گزدیرمک ده اوشاغین ایشتاهینین آچیلماسینا سبب اولور. اوشاغی تلویزورلا، تلفنلا یئدیرتمک، حکیم مصلحتی اولمادان ویتامینلری ایچیرتمک یانلیش متوددور. آنالار اوشاقلارین کؤکلمه‌سینه دئییل، نورمال اینکیشاف ائتمه‌سینه دقت ائتملیدیرلر».