سون زامانلار اهالی آراسین‌دا سبب‌سیز باش آغریلاری گنیش میقیاس آلدیغین‌دان آز قالا هر کس یانین‌دا بیر آغریکسیجی گزدیریر. باش آغریسینا «میقرئن» آدی وئریب، بونونلا باریشانلار دا آز دئییل.

بونونلا باغلی Axar.az-آ دانیشان المد تیبب مرکزینین نورولوق حکیمی راسیم ایبیشوو بیلدیریب کی، باش آغریسی – بیینین داخیلی و خاریجین‌ده گئدن هر هانسی دییشیکلره اورقانیزمین هارایی‌دیر. اما بئیین آغریمیر. چونکی او پارنخیماتوز توخومادیر. آغری رئسئپتورلاری سلیکلی قیشادا اولور. بو قیشالار قیجیق‌لانیر و آغری وئریر. منینگیت و انسعالیت آغریسی ان قورخولوسودور. بوردا آرتیق ایلتیهابی پروسئس گئدیر. بونا آرتیق عادی باش آغری‌سی کیمی یاناشماق اولماز.

خصوصاً گرگینلیک تیپ‌لی باش آغریلاری ایله میقرنین فرقی و درمانلارلا باغلی دانیشان ر.ایبیشووون سؤزلرینه گؤره، باش آغریلارینین ۲۰۰-دن چوخ نؤوو وار:

«مثلاً، کلاستر، دسته‌لی، یاییلمیش، لوکال و س. اینسان حیاتین‌دا اولان معین حادثه‌لر، پروبلئملر قیجیق یاراداراق آغریلار وئره بیلیر. کلله قوتوسونون اوزرین‌ده‌کی دریالتی توخوما گرگینلشیر، ییغیلیر و آغری یارانیر. محض بو تیپه «گرگین‌لیک باش آغریلاری» دئییلیر. بونون دا سببی موختلیف پروبلئملر، ایسترس، هیجاندیر. خسته‌نین باشیندا آغری ۶ آیدان چوخ مونتظم اولاراق داوام ائدیرسه، اوندا گرگینلیک تیپلی باش آغریلارینا شوبهه یارانیر و دیاقنوز اولونور.

نظره آلاق کی، باش‌دا تکجه بئیین یئرلشمیر. گؤزلر، بورون، آغیز کیمی اورقانلار دا وار. کلله بوشلوغون‌دا یئرلشه‌ن بو اورقانلارین اؤزونون فونکسیونال پوزغون‌لوغو، ایلتیهابی پروسسی باش آغریسی وئریر. گؤزون اؤزونون کؤکو بئیینین ایچینه گئدیب چیخیر. گؤز داخیلی تضییق یوکسلیر، باش آغریییر.

مئنزئر، کومپوتر، تلفن سیمپتومو دئییله‌ن و بوندان قایناق‌لانان گرگینلیک تیپ‌لی باش آغریلاری دا چوخ دیاقنوز اولونور. نه قدر دئسه‌لر کی، تلفن ائله ده ضررلی دئییل، تجروبه عکسینی دئییر. تلفن، کومپوترین ده ایستیفاده مدتی، نورماتیوی وار. یئنی‌یئتمه‌لر، گنجلر ۳-۴ ساعت بوینونو اییر، گؤزونو دیکیر تلفنا، کومپوتره، او واخت آییلیر کی، بویون ناحییه‌سی گرگینلشیب، باش آغریسی باشلاییب».

ر.ایبیشوو اینسانلارین حکیم‌سیز، اؤزباشینا درمان آلیب آتماغا اوستونلوک وئرمه‌سین‌ده تأسفونو بیلدیریب. اونون سؤزلرینه گؤره، «نیمسیل»، «ایسپازمالقون»، «دیکلوفناک»، «تمپالگین» سربست ساتیلیر، الده اولونور:

«نیمسیل»له باش آغریسی معالیجه اولونمور. «دیکلوفناک» کیمی آغیر درمانلار مده-باغیرساق خوراسی و قاناخمالارینا بئله سبب اولا بیلر. درمانلاری آراشدیرمادان آتماق اولماز. عادی درمان خسته‌نی اؤلومجول وضعیته ده سالا بیلر.

تجروبه‌ده گؤروروک کی، خسته اؤزو ایللردیر آغریکسیجیلرله آغرینی ساخلاییر، اما اساس پروبلم کناردا قالیب».

میقرئنین اؤز درمانی وار

خصوصاً قادینلار آراسین‌دا دبه چئوریله‌ن میقرئن چوخ واخت درمانا تابع اولمور. میقرئنین موالیجه‌سی و درمانی یوخ‌دور دئییلیر. بس او زامان بو قدر آغریکسیجینی نیه قبول ائدیریک؟

ر.ایبیشوو دئییر کی، میقرئن ۲ سبب‌دن یارانیر: دامارین دارالماسی و دامارین گئنیشله‌نمه‌سی:

«بو مرحله‌لری توتماق اولمور. خسته هر ایکی حال‌دا زوققولداییجی آغری هیسس ائدیر. میقرئن اوچون بیر موایینه اوسولو دا یوخدور، مرت هئچ نه گؤسترمیر. بو ایکی مرحله بیر-بیرینی اوز ائده بیلیر.

خسته اگر دامارین گئنیشله‌نمه‌سی مرحله‌سین‌ده اولسا، بو زامان «ایسپازمالقون» ایچسه، اونسوز دا دامار گئنیشلنیب، درمان بیر آز دا گئنیشلندیره‌جک. دئمه‌لی، ایسپازم علیهینه پرئپاراتلار اولماز. و یاخود ییغیلما، سیخیلما مرحله‌سین‌ده «دیکلوفناک» وئرسک، اونسوز دا دامار ییغیلیب، او درمان داها دا ییغاجاق.

اونا گؤره میقرنده بیز ایکی‌لی تأثیر گؤسترن کوفین ترکیب‌لی، معاصر میقرن علیهینه درمانلاردان ایستیفاده ائدیریک.

گنج اینسانلارین باش آغریلارین‌دا اورقانیک سبب اولمادیق‌دا، ساکیتلشدیریجی درمان فونون‌دا آرادان قالخا بیلر. ایسته‌نیله‌ن فورما باش آغریسینی معاصر دیفرنسیال دیاقنوستیکا ایله دیاقنوز ائدیب، اویغون معاصر پرئپاراتلارلا قیسا مدت‌ده معالیجه ائده بیلیریک».