عالیملردن عبارت اولان بین الخالق آراش‌دیرما قروپونون "ائوروپئان هارت ژوورنال"دا نشر ائتدیردیی تدقیقات ایشینده اینسانین ساغلاملیغی اوچون ان اویغون یوخو مدتینین ۶ ایله ۸ ساعت آراسیندا اولماسی قید اولونوب.

Axar.az خبر وئریر کی، اینسان ساغلاملیغی اوچون ان اویغون یوخو مدتینی معینلشدیرمیی قارشی‌سینا مقصد قویان موشاهی‌ده‌لر تخمیناً ۸ ایل چکیب. ۳۵-۷۰ یاش آراسین‌دا ۱۱۶ مین‌دن آرتیق اینسانین یوخو قیدیات دفترلرینی تحلیل ائد‌ن متخصصلر حدین‌دن آرتیق یوخونون اورک-دامار خسته‌لیکلریندن اؤلوم ریسکینین آرتماسی ایله علاقه‌لی اولدوغو نتیجه‌سینی الده ائدیبلر.

آراشدیرما چرچیوه‌سین‌ده یوخوسو ۸-۹ ساعت آراسین‌دا چکن اینسانلارین اؤلوم ریسکینین تکلیف ائدیلن ساعت آرالاریندا یاتان اینسانلارا نیسبتا ۵% آرتدیغی معلوم اولوب. ۹-۱۰ ساعتلیق یوخونون جدی خسته‌لییه یولوخما ریسکینی ۷%، ۱۰ ساعتدان آرتیق یوخونون بو ریسکی ۴۱%-ا قالدیردیغی معینلشدیریلیب.

عالیملر حساب ائدیر کی، گئجه‌لر ۶ ساعتدان آز یاتان اینسانلاردا بعضی حاللاردا گوندوز یوخوسو دا اورک-دامار خسته‌لیکلرینین اینکیشافینا تکان وئریر. دیگر طرف‌دن، اکسپرتلر اکثر حاللاردا گوندوز یوخوسونون گئجه اسکیک قالان ساعتلاری برپا ائتدیی اوچون دیرلرین نورماللاشماسینی تعمین ائتدیینی قید ائدیر.