ایکی ایل اؤنجه‌دن ایران‌دا قیچس-این (ایدز) یاییلماسینین اساس یولو جین‌سی علاقه اولموشدور. بیر زامانلار بو خسته لیین نقلی کیشی نارکومانلاری آراسین‌دا ۹۷%، قادین نارکومانلار آراسین‌دا ۳% ایدی. لاکین اؤتن ایکی ایل عرضین‌ده جینسی علاقه ایله خسته‌لییه یولوخان قادینلارین سایی ۱۰ دفعه آرتیب.

Axar.az خبر وئریر کی، بو سؤزلری ایرانین قیچس (ایدز) آراشدیرمالار مرکزینین دیرکتورو مینو محرز دئییب.

اونون سؤزلرینه گؤره، اؤلکه‌ده قیچس ویروسونا یولوخانلارین اکثریتی ۲۵-۴۰ یاشلیلاردیر. بو ساحه‌ده معلوماتلاندیرمانین ضعیفلیگی، تعلیملرین اولماماسی خسته لیین آرتماسینا گتیریب چیخاریب.

محرز علاوه ائدیب: جین‌سی علاقه‌یه گؤره، قیچس گنجلر، خصوصیله ده قادینلار آراسیندا آرتماق‌دادیر. بو ساحه‌ده جمعیتی معلوماتلاندیرماق سوییه‌سی یوکسلمه‌لیدیر. چونکی یئنی خسته‌لر اساساً عالی تحصیللیدیرلر.
"بیر زامانلار بو خسته لیین یاییلماسی اساساً نارکومانلار آراسیندا ایدی. پروقرامین ایجرا اولونماسی ایله چوخ یاخشی شکیلده ایداره اولوندو. بئله کی، حاضردا ایران نارکومانلار آراسیندا قیچس ویروسونون خسارتینین آزالدیلماسی ایستیقامتین‌ده سؤز صاحبی‌دیر" - دئیه او بیلدیریب.