حکیملر کارتوفو(یئرآلما) ان فایدالی ارزاقلاردان بیری حساب ائدیرلر. ترکیبین‌ده چوخ بؤیوک میقداردا ویتامینلرین، ماکرو و میکروئلئمئنتلرین زنگین‌لیگی سببین‌دن اونو اونیوئرسال آدلان‌دیریرلار. اهالینین بؤیوک اکثریتینین ایشتیراکی ایله آپاریلان ائپیدئمیولوژی تدقیقاتلار گؤستریر کی، کارتوف اورک-دامار سیستئمینین ساغلام‌لیغینا ان مثبت شکیل‌ده تأثیر ائدیر.

Axar.az خبر وئریر کی، عالیملر کارتوفون ان قیدالی حیصه‌سی کیمی اونون قابیغینی حساب ائدیرلر.

قابیغی ایله برابر یئییلدیک‌ده فای‌دالی‌دیر. بؤیوک بریتانییانین کرال تیبب جمعیتی نزدین‌ده‌کی ساغلام قیدا فورومونون سابیق پرئزیدئنتی دوکتور مئریلین قلئنویللین سؤزلرینه گؤره، کارتوفو قابیق‌سیز یئمک بؤیوک سهو و ساغلاملیق اوچون نقصاندیر. کارتوف‌دان تمیزلنمیش بیر یومروق حجمین‌ده قابیق اورقانیزمی حکیملرین توصیه ائتدیی حل اولونان لیف، کال‌سیوم، دمیر، فوسفور، سینک و ج ویتامینی کیمی گونده‌لیک دوزانین یاریسینی عوض ائده بیلر. لاکین کارتوفون قابیغی بیر قایدا اولاراق زیبیل یئشیینه آتیلیر.

خرچنگ خسته‌لیکلرین‌دن قورونمادا فای‌دالی‌دیر. علمی تدقیقاتلارین نتیجه‌لری گؤستریر کی، کارتوف ترکیبین‌ده‌کی یوکسک میقداردا فلاوونوید، کاروتینوید و فئنول تورشولارینین حسابینا آنتی‌وکسیدانت تأثیری گؤستریر. بو ماده‌لر قاراجیرده و یوغون باغیرساق‌دا عمله گلن خرچنگ حجئیره‌لرینین اینکیشافینی دئاکتیولشدیریر. قیرمیزی کارتوفون ترکین‌ده ایسه آغ کارتوفا نیسبتا آنتی اوکسیدانتلار ۳-۴ دفعه چوخدور.

بیین و عصب سیستئمینین ساغلام‌لیغی اوچون فای‌دالی‌دیر. کارتوف ب۶ ویتامینینین منبیی‌دیر. بو ویتامین اوشاقلاردا بئینین اینکیشافینی ایستیموللاشدیریر. بؤیوکلرده کارتوف‌دان ایستیفاده کوقنیتیو خصوصیتلرین آزالما تأثیری ایله باغلی‌دیر. بون‌دان باشقا، کارتوفون ترکیبین‌ده‌کی نیشاستا اورقانیزمه سئروتونین، مئلاتونین، نورادرئنالین کیمی یاخشی احوال-روحییه و کئیفیت‌لی یوخو هورمونلارینین اوزه چیخماسینا کؤمک ائدیر.

قان‌دا شکرین میقدارینا نظارت اوچون فای‌دالی‌دیر. کارتوفون ترکیبین‌ده‌کی ایستابیل نیشاستا باغیرساقلاردا فای‌دالی باکتئریال فلورانین اینکیشافی اوچون الوئریش‌لی ماتئریال‌دیر. عالیملر بو نیشاستانین قان‌دا شکرین میقدارینا داها یاخشی نظارت ائدیلمه‌سینه شرایط یاراتدیغینی تصدیقلییرلر.

هیپئرتونییا زامانی فای‌دالی‌دیر. کارتوفون ترکیبین‌ده کالیومون بول‌لوغو آرتئریال تضییقه داها یاخشی نظارت ائتمه‌یه شرایط یارادیر.

دری ساغلاملیغین‌دا فایدالی‌دیر. کالیوم ایله زنگین اولان کارتوف کیمی ارزاقلار درینین جاوان و طراوت‌لی گؤرونوشونون ساخلانماسینا کؤمک ائدیر، ائرکن قیریشلارین عمله گلمه‌سینین قارشی‌سینی آلیر. کالیوم، همچینین هوجئیره‌لرین بؤلونمه‌سینی آکتیولشدیریر کی، بو دا درینین تونوسونو و ائلاستیکلیینی تعمین ائدیر.

متخصصلر یالنیز سودا بیشیریلمیش و قیزاردیلمیش کارتوفون کالوری‌لی علاوه‌لرسیز و سووس‌سوز اورتا میقداردا قبول اولونماسینی ساغلام‌لیق اوچون داها فایدالی حساب ائدیرلر.