اورمودا تویوق اتی آلماق اوچون میللی کارت طلب اولونور.

آذنیوز. تی وی خبر وئریر کی، بو باره‌ده اورمو، ات و پروتئین مادده‌لری همکارلار اتفاقی‌نین موعاوینی کریم آرابباقی معلومات وئریب. او، سون گونلر تویوق اتی‌نین قیمتلری‌نین باهالاشدیغینی وورغولایاراق بعضی ماغازالاردا میللی کارت تقدیم ائتمکله قوش اتی‌نین تداروکونون مومکون اولاجاغینی بیلدیریب.

«تویوق اتینین قیمتی‌نین آرتماسی ایله علاقه‌دار آغ ات میللی کارت تثبیتی ایله ساتیلاجاق. بازاردا ۱۸ مین تومه‌نه ساتیلان تویوغون یوزده ۵۰-سی قاچاق یوللارلا بازارا گلیر. تویوق کسیلمه‌مه‌سی سببین‌دن دولایی اورمو بازارین‌دا قوش اتی‌نین قیمتی‌نین ۱۲،۹۰۰ تومن‌دیر»، – دئیه، موعاوین قید ائدیب.

او بیلدیریب کی، بیر گونلوک جوجه‌لرین آز اولماسی، تویوق یئتیش‌دیره‌نلره یوللانیلماماسی، بو جوجه‌لرین قیمتلرین‌ده آرتیم موشاهیده اولونماسی و اقتصادی جهت‌دن بئجردیجیلره اویغون گؤرولمه‌مه‌سی بازاردا تویوق اتی‌نین باهالاشماسی‌نین اساس سببی‌دیر.

قید ائدک کی، ایران صلاحیت‌لیلری اوزون ایللردیر روسییادان اؤیرندیکلری کوپئن سیستمینی بوتون اقتصادی پروبلئملرین حلی اوچون موقتی درمان کیمی گؤرورلر. میللی کارت ایله آغ ات آلماق فورماسی دا بو موقتی تدبیرلردن بیری‌دیر.