قیش آیلارینین ان بؤیوک دردلرین‌دن بیری ده قریپ و سویوقدیمه‌دن یارانان بورون توتولماسی‌دیر. بورون توتولماسی ساده بیر پروبلئم کیمی گؤرون‌سه ده، نفس آلمانیزا تأثیر ائتدیین‌دن باش آغریسی و حال‌سیزلیق یارادیر.

آخار. آذ خبر وئریر کی، بورون توتلماسینین علامتلرینی حس ائدیرسینیزسه اونون طبیعی یوللا دفع ائده بیلرسینیز. بونون اوچون سیزه بورون توتولماسی زامانی تاثیر ائدیجی قوه‌سی اولان بیر نئچه اصول‌دان سؤز آچیریق.

-یاریم ایستکان سویا چای قاشیغینین دؤردده بیر حیسه‌سی قدر دوز و کاربونات قاتیب قاریش‌دیرین. سویون تمیز و قاینادیلمیش اولماسینا دقت یئتیرین. بورونون بیر دئشیینی باغلایین، حاضیرلادیغینیز مادنی او بیری بورون دئشیینیزه تؤکون. حاضیرلانمیش ماده بورون توتولماسینین قارشی‌سینی آلیر و چوخ تأثیرلی‌دیر.

-سوغانی نازیک حالقالارا دوغراییب، اوستونه سویو علاوه ائدیب ۱۵ دقیقه قاینادین. سونرا گؤتوروب ۵ دقیقه سویوماسینی گؤزلیین. سو سویویانا یاخین ایچینه بال و لیمون شیره‌سینی علاوه ائدین. ایچکینی سوتکا عرضین‌ده کیچیک پورسییالارلا قبول ائدیب.

-بیر قای‌دا اولاراق بورنونوزو هر گون دوزلو سو ایله یویون. بو پروسئ‌دورا سئلیک عمله‌گلمه‌سینین قارشی‌سینی آلیر، هم ده گریپ و سویوقدیمه‌یه قارشی افکت‌لی پروفیلاکتیک تدبیردیر.

-داها بیر اصول ایسه دیلینیزی اوست داماغا یئرلش‌دیرین و ایته‌له‌یین. بارماغینیزی ایکی قاشین آراسینا قویوب باسین. بو شکیل‌ده ۲۰ ثانییه گؤزلیین. بو زامان بورون بوشلوقلاری آچیلاجاق و بورنونوز آخماغا باشلایاجاق.

-پامبیغا بیر نئچه دامجی نعنا و یا ائوکالیپت یاغی دامجیلادین. نفس آلیب وئرین.
بس بورون توتولماسینین سببلری ندیر؟

- بورون‌دا سوموک و یا قیغیرداق ایری‌لیگی سببلر سیراسین‌دادیر. عادته‌ن هان‌سی‌سا قزا سونراسی بو ایریلیک یارانیر. اگر نفس دارلیغی داها دا چتینلشرسه جراحی موداخیله اولا بیلر.

- بورونون داخیلین‌ده کونکا آدلان‌دیریلان اتلر وار. بو اتلر بورون‌دان کئچه‌ن هاوانی سویوق‌دا ایسیتمک، ایستی‌ده سویوق توتماغا کؤمک ائدیر. بو اتلر بعضا بؤیویوب، بعضا کیچیله بیلر. بؤیومکلری عادتا آلرگییادان و یا ایلتیهابی سببلرله باغلی اولا بیلر. حکیم قید ائدیب کی، آلرگییا سببین‌دن باش وئررسه درمان معالیجه‌سی ایله بونو معالیجه ائتمک مومکون‌دور.

- سویوقلاما زامانی ویروسلاردان بورون توتولماسی باش وئره بیلر. ویروس اینفئکسییالاری سببین‌دن پالیپلر یارانا بیلر. بو دا اؤسکورک، برونشیت و آستما خستلیینه سبب اولا بیلر.