متخصصلر یاش ساچلا یاتماغین اینسان اورقانیزمی اوچون ضررلی اولدوغونو بیلدیریبلر. یاش ساچلا یاتان‌دا یاستیغا کئچه‌ن رطوبت ضررلی باکتئرییالارین چوخالماسی اوچون الوئریش‌لی شرایط یارادیر.

آخار. آذ یاش ساچلا یاتماغین ضررلری حاقین‌دا معلوماتی تقدیم ائدیر:

- ایلک نؤوبه‌ده بو کپیین عمله گلمه‌سینه و آرتماسینا سبب اولور. مسئله بوراسین‌دادیر کی، کپیین عمله گلمه‌سینه سبب اولان میکروسکوپیک گؤبلک بیر چوخلاریمیزین باش دریسین‌ده یاشاییر. ساچلارا دوزگون باخیم گؤبلیین آرتماسینین قارشی‌سینی آلیر. لاکین نم موحیط‌ده گؤبلک تئز چوخالماغا باشلاییر و بو دا کپیین سرعتله آرتماسینا گتیریب چیخاردیر.

- سویون تأثیرین‌دن ساچلار کؤورک و ضعیف اولور، تئز قیریلیر، آسان تؤکولور. بو سبب‌دن دایم یاش ساچلا یاتان اینسانین ساچلاری جان‌سیز گؤرونور، تؤکولور. متخصصلر سویون تأثیرینی آزالتماق اوچون ساچلاری یودوق‌دان سونرا مومکون قدر تئز قوروتماغی توصیه ائدیرلر.

- نم ساچلا یاتماق سحر بویون و باش آغریلارینا سبب اولا بیلر.

- نم ساچلا یاتان اینسانین یاستیغی آرتیق سویو اؤزونه هوپدورور. یاستیقلاردا میکروسکوپیک گنه‌لر یاشاییر. آز میقداردا اولان‌دا بو گنه‌لر ساغلاملیغیمیزا زیان وورمور. لاکین نم موحیط‌ده اونلار تئز چوخالماغا باشلاییر. بو گنه‌لر آللئرگییا و حتی آستمانین اینکیشافینا سبب اولا بیلر.