سویوق هاوالاردا بعضی سهولر درییه زرر وئره بیلر!

آخار. آز خبر وئریر کی، دئرماتولوق فیلیز توپالوغ‌لو دمیر حددن آرتیق ایستی دوشون دری اوچون زررلی اولدوغونو آچیقلاییب. ائکسپئرت بیلدیریب کی، سویوق هاوا درینین قورویوجو قاتینی پوزور و قوروماسینا سبب اولور:

"دری قورولوغونون قارشی‌سی واختین‌دا آلینمازسا و لازی‌می تدبیرلر گؤرولمزسه، دری‌ده چاتلار، قیزارتی، قالینلاشما، قاشینتی، آغری و سرتلشمه کیمی علامتلر اؤزونو گؤستره‌جک. درینین پیسلشمه‌سی ایسه میکروبلارین درییه داخیل اولماسینی آسانلاشدیریر. یاش آرتدیقجا درینین سو توتما قابیلیتی آزالدیغین‌دان بو سیمپتوملار یاش‌لیلاردا داها آغیر اولا بیلر.

دیگر طرف‌دن اوزون مدت‌لی درینین قورولوغو قیریشلارین یارانماسینا، یعنی واختین‌دان اول یاشلانماسینا سبب اولور. ان چوخ تأثیرلنه‌ن ناهییه‌لر اوز، دوداقلار و اللر اولسا دا، سویوق هاوانین تأثیری ساچلارا و دیرناقلارا دا تسیرسیز اؤتوشمور. بون‌دان علاوه، سدف، آتوپیک ائکزئما، ال ائکزئماسی کیمی بیر چوخ دری خسته‌لیکلری بو مؤوسوم پیسلشمه‌یه مئیل‌لی‌دیر. درینین ائلاستیک و یومشاق اولماسی، همچینین ایده‌آل سو توتما قابیلیتینی تعمین ائتمک اوچون سویوق‌دان قورونماق لازیم‌دیر. یاش، دری تیپینه و اطراف موحیط عامللرینه اویغون اولاراق درینی دوزگون درینی نمله‌ن‌دیرین. اینسانلار سویوق هاوادا دری قورولوغونون قارشی‌سینی آلماق اوچون بزه‌ن سهو یوللارا ال آتیر. مثلاً، اللری تئز-تئز یوماق، ایستی سو ایله دوش قبول ائتمک، دوداقلاری یالاماق، قیش آیلارین‌دا گونش قورویوجولاردان ایمتینا ائتمک تئز-تئز ائدیله‌ن ختالاردیر. اودور کی، دوش‌دا سویون ایستیلیینی آزالتماق، هامام یاغلارین‌دان ایستیفاده ائتمک و هامام‌دان درهال سونرا ایلک ۳ دقیقه عرضین‌ده بدبه یونگول نملندیریجی تطبیق ائتمک واجیب‌دیر.

دوداقلارینیز قورویوب‌سا یالاماق اولماز، چونکی توپورجک‌ده‌کی هزم فئرمئنتلری و باکتئرییالار دوداقلارا زرر وئره بیلر، دولایی‌سی ایله دوداقلارین قوروماسینی سورتلندیریر. مؤوسومی تزه مئیوه و تروزلر، ائ ویتامینی ایله زنگین بادام، قوز-فیندیق کیمی محصوللاری چی یئیین، قیرمیزی ات یئرینه مومکون قدر بالیغا اوستونلوک وئرین و کیفایت قدر سو ایچین".