ایران‌دا کوروناویروسلا علاقدار تهران ساکینلرینین سهل انکارلیغی فاجعه‌یه سبب اولا بیلر.

بو باره‌ده ایرانین صحییه، معالیجه و طبی تحصیل ناظرلیگی معلومات وئریب.

تهران شهری اوزره کوروناویروسلا مباریزه کومیته‌سینین صدری زالینین سؤزلرینه گؤره، حاضردا بو ویروس سرعتله یاییلماق‌دادیر. بیر چوخ وطنداش ایلین سون گونلرین‌ده (ایران‌دا یئنی ایل ۲۰ مارت‌دان باشلاییب) خبردارلیقلارا دقت یئتیرمه‌ییب و بو حالین طبیعت گونون‌ده ده باش وئرمه‌سی مومکون‌دور.

او علاوه ائدیب کی، حاضردا تهران خسته‌خانالارینا ایلین سون گونلرین‌ده خبردارلیقلاری یئرینه یئتیرمه‌یه‌رک بازارلارا و ایزدیهام‌لی مکانلارا چیخان شخصلر یئرلشدیریلیبلر.

ایران‌لی رسمی بیلدیریب کی، طبیعت گونون‌ده وطنداشلارین منزیلی ترک ائتمه‌سی ۲ هفته مدتینه وضعیتین آغیرلاشماسی ایله نتیجه‌لنه بیلر.

«کوروناویروس وطنداشلارین بیر یئره توپلاشماسین‌دان یئنی بیولوژی اساس کیمی ایستیفاده ائدیر. ۲-۵ نفرین ۱۵ دقیقه مدتینه ۱،۵ متردن آز مسافه ایله بیر یئره توپلاشماسی ویروسون یاییلماسینا اوپتیمال شرایط یارادیر»، - دئیه او قید ائدیب.

زالی تهران‌دا ۲،۲۶ مین استراحت پارکینین اولدوغونو و پارکلارین باغلاندیغینی دئییب.

قید ائدک کی، تئهران شهرینه دؤولت نمره نیشانی کنار شهرلره مخصوص آوتومبیللرین گیریشینه قاداغا قویولوب. قاداغانی پوزان آوتومبیل سوروجوسونه ۵ میلیون ریال (تخمیناً ۱۱۹ دوللار) جریمه تعیین اولونوب. بو قایدا ایرانین بیر چوخ ویلایتلرینه تطبیق ائدیلیب.

ایران‌دا بو گون طبیعت گونو اولاراق قید ائدیلیر. بئله کی، وطنداشلار طبیعتین قوینونا چیخاراق استراحت ائدیرلر.

علاوه ائدک کی، ایرانین صحیه، معالیجه و طبی تحصیل ناظرلیگی اؤت‌ن گوندک (۳۱ مارت) ۴۴ ۶۰۶ نفرین کوروناویروسا یولوخدوغونو، ۲ ۸۹۸ نفرین اؤلدویونو و ۱۴ ۶۵۶ نفرین ساغالدیغینی تصدیقله‌ییب.