آنا صحیفه ساغلیق |
دونیا اؤلکهلری یوزمینلرله اینسانین اؤلومونه سبب اولان کوروناویروس پاندمییاسینا قارشی پئیوند و یا درمان تاپماق اوچون اقتصادیاتا بؤیوک سرمایهلر قویور. عمومدونیا صحیه تشکیلاتی دونیا میقیاسیندا کوروناویروسا قارشی ۸۳ پئیوندین حاضیرلاندیغینی آچیقلاییب. بیر چوخ بین الخالق تشکیلاتلار حاضردا دونیادا ۷۲ علمی قروپون پئیوند اوزرینده چالیشدیغینی تصدیقلییر. آمریکا، چین، بریتانییا و بیر چوخ آوروپا اؤلکهلری ۸ پئیوندین اینسانلار اوزرینده کلینیکی سیناقلارینا باشلاییب. اوکسفورد اونیوئرسیتئتینین مؤلفی اولدوغو پئیوندین ایسه ایون آییندا حاضر اولاجاغی و ایلک نتیجهلرین الده ائدیلمهسیندن سونرا پایلاناجاغی بیلدیریلیب. بونونلا بئله، پئیوند اوچون آچیقلانان تاریخلر احتیمالدان او طرفه کئچه بیلمیر.
آخار. آذ خبر وئریر کی، دیگر طرفدن، کوروناویروسا قارشی پئیوندین هئچ تاپیلمایاجاغی احتیمالی دا مؤوجوددور. قیچس و سارس کیمی اؤلومجول خستهلیکلره قارشی بو گون هله ده پئیوند یوخدور. بس کووید-۱۹-آ قارشی پیوند تاپیلماسا، نه اولاجاق؟
پیوند متخصصلری بیر پیوندین ایستیفادهیه حاضر اولماسی اوچون ۱۲-۱۸ آی واخت لازیم اولدوغونو بیلدیریر. پیوند حاضر اولسا بئله، اونون عکس تاثیرلرینین کیفایت قدر آراشدیریلماماسی آغیر نتیجهلر وئره بیلیر.
توپلوملار هر آن یئنی کارانتینه حاضر اولمالیدیر
پیوندین تاپیلماما احتیمالی قوهده قالدیقجا، اینسانلار کووید-۱۹-لا بیرلیکده یاشاماغی اؤیرهنمهلیدیر. سی ان ان-این خبرینه گؤره، پیوند ایشلری دونیا سیاستچیلرینین خالقا نادیر آچیقلادیغی دوروملاردان بیریدیر. لاکین بو احتیمال بیر چوخ علم آدامی طرفیندن چوخ جدی قبول ائدیلیر. چونکی گونوموزده هله ده قیچس، سارس، لاسا قیزدیرماسی، مارس کیمی بیر چوخ اؤلومجول خستهلیین پئیوندی تاپیلماییب.
متخصصلرین فیکرینجه، پیوندین تاپیلماسینا بئل باغلامادان اول شهرلرین مرحلهلی شکیلده آچیلماسی و تستلرین حیاتین بیر پارچاسینا چئوریلمهسی لازیمدیر. بونا گؤره ده شهرلر یاواش-یاواش آچیلاجاق، اما یئنی پاندمییا دالغاسینین اورتایا چیخماسی تقدیرینده بیر آندا یئنیدن فرقلی اؤلچولرده کارانتین تدبیرلرینین قوهیه مینمهسی احتیمالی همیشه اولاجاق.
کووید-۱۹-آ قارشی موختلیف معالیجه مئتودلاری تکمیللشدیریله بیلر. اما خستهلیک آسیمپتوماتیک اینسانلار طرفیندن هر ایل تکرار اورتایا چیخاریلا بیلر.
ویروسلا یاشاماق اوچون توپلوم راضیلاشماسی چاغیریشی
عمومدونیا صحییه تشکیلاتینین سفیری و لوندون ایمپئریال کوللئجینین قلوبال صحییه متخصصی دئوید ناباررو مسئله ایله باغلی آچیقلاماسیندا کوروناویروسا قارشی پئیوندین تاپیلماسی مسئلهسینه دایر دقیق فرضییه ایرلی سوره بیلمدیکلرینی دئییب: "بوتون جمعیتلرین ثابت تهدید اولاراق کوروناویروسدان قوروندوغو و کوتلوی حیات ایله اقتصادی فعالیتلرین ویروس ایچیمیزده ایکن داوام ائده بیلدیی بیر پوزیسییا آلمالاری حیاتی اهمیته صاحبدیر. پئیوندین تاپیلماماسی احتیمالینا قارشی کووید-۱۹ ایله بیرگه یاشاماغا چالیشماغیمیز قتیتله واجیبدیر. بونا گؤره ده یئنی توپلوم راضیلیغینا احتیاج وار".
بوتون بو ادعالارا رغما، بعضی علم آداملاری سارس-کوو-۲-نین قیچس و قیزدیرما کیمی خستهلیکلردن فرقلی اولاراق، گئج موتاسییایا اوغرادیغینی، بونا گؤره ده پئیوند تاپیلماسی احتیمالینین یوکسک اولدوغونو بیلدیریر. آمریکا میللی آللئرگییا و یولوخوجو خستهلیکلر اینستیتوتونون رهبری نتونی فاوسی ده داخیل اولماقلا، بیر چوخ علم آدامی پئیوندین ۱۲-۱۸ آی ایچینده تاپیلا بیلجییندن امیندیر. اینگیلتره باش طبی مأمورو کریس اویتتی و دیگر فیقورلار پئیوندین ۱ ایلده حاضیرلاناجاغینا اینانیر.
داها اول ۱۸ آی عرضینده هئچ بیر پیوند تاپیلماییب
بیر پیوند تاپیلسا بئله، بو زامان دیلیملریندن هر هانسی بیرینده مئیوهسی داها اول الده ائدیلممیش اوغور اولاجاق. آمریکا بایلور طب فاکولتهسی میللی تروپیکال طب مکتبینین دئکانی پیتئر هوتئز بیلدیریر کی، طب تاریخینده ۱،۵ ایلدهن اول پئیوند تاپیلماییب: "تاپیلسا، چوخ تعجوبلنرهم. بو، مومکونسوز اولدوغو آنلامینا گلمیر. اما اولدوقجا غیری-عادی اوغور اولاجاق. بونا گؤره بیزیم آ و ب پلانینا احتیاجیمیز وار".
کوتلوی ایممون قازانماق رئال دئییل
روتا ویروسونا قارشی پئیوند حاضرلایانلاردان بیری اولان اوففیت بیلدیریب کی، کوتلوی ایممون قازانماق اینفکسییا ایله دئییل، اونون پئیوندی ایله مؤوجود اولمالیدیر: "توپلومون اکثر حیصهسی خستهلهنمهسه بئله، کووید-۱۹-اون تأثیرلری آغیر اولاجاق. قیزیلجا بونا موکممل نمونهدیر. پئیوند کوتلویلشمهدن اول ایلده ۲-۳ میلیون اینسان بو خستهلییه یولوخوردو. کوروناویروسدا دا بو دوروم یاشانیر".
ائودهن ایشلهمک نورمال حال اولاجاق
متخصصلر قید ائدیر کی، کارانتین تدبیرلری اقتصادی و سیاسی باخیمدان دایمی دئییل. پاندمییایا نظارت ائتمک اوچون باشقا حل یوللارینا احتیاج وار. بونلاردان بیری ایسه ائودهن ایشلمیین نورماللاشماسیدیر. پیوند تاپیلماسا، خصوصیله "آغ یاخالیلار" اوچون اوزاقدان ایشلهمک ایستاندارت اولاجاق.
تاریخ
2020.05.06 / 22:57
|
مولف
Axar.az
|