یوخاری

تلفن‌لا ساکیتلشدیریله‌ن اوشاقلار ریسک آلتیندادیر - والیدینلر اوخوسون

آنا صحیفه ساغلیق
12 Punto 14 Punto 16 Punto 18 Punto

والیدینلرین اولادلارینی ساکیتلشدیرمک اوچون اونلارا تلفن وئرمه‌لری و بونو وردیش حالینا گتیرمه‌لری اوشاقلار اوچون تهلوکه‌لیدیر.

Kult.az خبر وئریر کی، اوزون مدت تلفن ایستیفاده‌سینین منفی نتیجه‌لری وار.

تلفن‌لا اوینایان اوشاقلار اطرافدا باش وئره‌نلری ائشیتمدیکلری و گؤرمدیکلری حال‌دا، ایسته‌نیله‌ن مداخیله‌ده آقرسیو داورانیشلار سرگیله‌یه بیلیرلر.

اولادلارینیز کدرلی، هوس‌لی و یا غضبلی اولدوقدا تطبیق ائتمه‌لی اولدوغونوز ایلک تاکتیکا اونلاری دینله‌مک و پروبلملرینه حل یوللاری آختارماق اولمالی‌دیر. عکس حال‌دا، اولادلارینیز عصبیلشن و یا کدرلندیکلری زامان اونلارا امپاتییا گؤسترمه‌سه‌نیز و اونلاری تلفن‌لا ساکیتلشدیرمه‌یه چالیشسانیز، زامانلا اوشاقلارینیزدا هم فیزیکی، هم ده پسیخولوژی جهت‌دن گئریله‌مه مشاهیده ائده بیلرسینیز.

تدقیقات‌چیلار طرفین‌دن ۳-۵ یاشلی اوشاقلارین تلفن و پلانشتلردن نه قدر تئز-تئز ایستیفاده ائتدیکلری ایله باغلی تحلیل آراشدیرماسی آپاریلیب. ۴۲۲ اوشاق و ۴۲۲ والیدینین تحلیلی نتیجه‌سینده معلوم اولوب کی، تئز-تئز ساکیتلشمک اوچون جیهاز وئریله‌ن اوشاقلاردا اموسیونال رئاکسییا علامتلری داها چوخ اولور.

والیدینلریندن کیفایت قدر دقت گؤرمه‌یه‌ن اوشاقلار قاپالی، اؤزونه اینامسیز و حتی آقرسیو اولورلار. بونا گؤره ده اوشاقلار ان یاخشی دوست کیمی الکترون جیهازلاری سئچیرلر. کدرلی و یا سئوینجلی حاللارینی بؤلوشه‌جک بیرینی تاپا بیلمه‌یه‌نده پارلاق و رنگلی اکران‌لی تلفن‌لارلا واخت کئچیریرلر. خصوصیله اینکیشاف چاغین‌دا اولان اوشاقلار تلفون‌لا چوخ واخت کئچیردیکلری زامان گله‌جک‌ده هم پسیخولوژی، هم ده فیزیکی اولاراق بؤیوک ریسکلرله اوزلشه بیلرلر. بو مسئله‌ده والیدینلرین رولو بؤیوکدور.

اولادلارینیزین چالیشقان، سوسیال و ساغلام اولماسینی ایستییرسینیزسه، اونلارلا داها چوخ صحبت ائتملیسینیز؛ ایله‌نجه‌لی و معاریفلندیریجی فعالیتلرله مشغول اولمالیسینیز.

تاریخ
2023.09.15 / 15:27
مولف
ایسماییلووا سوزاننا
شرح لر
دیگر خبرلر

جورابلارینیز ایز بوراخیرسا... خستلیین خبرچی‌سی اولا بیلر!

کیشی حکیملرین قادین خسته‌لری معایینه‌سی قاداغان ائدیلیر

سوتکانین هانسی ساعتین‌دا شوکولاد یئمک اولار؟

تبریزلی حکیمین اختراع‌سی آمریکادا قیده آلیندی

خرچنگی یوخ ائد‌ن میوه

ایران‌دا خرچنگدن اؤلنلرین ایستاتیستیکاسی آچیقلاندی

اورک ساغلاملیغی اوچون فیندیق یئیین

سویودوجویا یارییا بؤلونموش لیمون قویانلارین نظرینه - گؤرون نه اولور...

بو شخصلر چای ایچممه‌لیدیر!

کئچی سودونون معالیجوی خصوصیتی - یاشلی آداملار اوچون قورتولوش یولو

خبر خطّی
Axar.az'da reklam Bağla
Reklam
Bize yazin Bağla