آمریکا-دا دونوز اوریی کؤچوروله‌ن ۵۸ یاشلی لورنس فوست آدلی شخص اؤلوب.

Axar.az خبر وئریر کی، بو باره‌ده مریلند اونیورسیتتینین طب مرکزی معلومات یاییب.

«فوست سنتیابرین ۲۰-ده عملیات کئچیرمیشدی و جمعی ۶ هفته یاشایا بیلدی»، - معلوماتدا قید اولونوب.

معلوماتا گؤره، خسته سنتیابرین ۱۴-ده اورک چاتیشمازلیغی دیاگنوزو ایله طبی مرکزه مراجعت ائدیب. حکیملر بیلدیریبلر کی، بیر سیرا کسکین خسته‌لیکلرین یاراتدیغی محدودیتلر سببیندن اونا عنعنه‌وی اصوللارلا اورک ترانسپلانتاسییاسی ممکون دئییل. بئله اولان تقدیرده سنتیابرین ۱۵-ده آمریکا-نین قیدا و درمان واسطه‌لرینه نظارت اداره‌سی خسته‌نین اؤمرونو اوزاتماق اوچون عملیاتا تعجیلی اجازه وئریب.

اونیورسیتتدن بیلدیریلیب کی، عملیاتدان سونرا ۱ آی عرضنده اورک نرمال ایشلییب. خسته فیزیوتراپییا کورسو کئچیب و یئنی‌دن یئریمه‌یه باشلاییب. لاکن سون گونلر حکیملر اوندا اوریین ایشله‌مکدن امتنا ائتمه‌سی علامتلرینی گؤروبلر کی، بو دا سونرا اؤلومه گتیریب چیخاریب.

قید ائدک کی، لورنس فوست دنیادا دونوز اوریی کؤچوروله‌ن ایکینجی شخصدیر. ۲۰۲۲-جی ایلین یانوارین ۷-ده دیوید بنت آدلی شخص گئنی مودیفیکاسییا ائدیلمیش دونوز اوریینین کؤچورولمه‌سیندن ایکی آی سونرا وفات ائتمیشدی.