بانانین هر نوع‌نون فرقلی دادی وار. یئتیشممیش، یاشیل بانان لیف باخیمیندان داها زنگیندیر. خصوصیله شکر خسته‌لری اوچون یاشیل بانان داها فایدالی حساب اولونور.

Axar.az یاشیل بانانین بیلینمه‌یه‌ن فایدالارینی تقدیم ائدیر:

یاشیل بانانین ترکیبینده گلوکوزا آزدیر. بانان یئتیشمه‌یه باشلایاندا ایچینده‌کی نشاستا شکره چئوریلیر. بو باخیم‌دان یاشیل بانانین ترکیبینده هضم سیستمینه فایدالی، یاواش-یاواش هضم اولونان داواملی نشاستا وار. بو خصوصیتلر قان شکرینده قفیل آرتیمین قارشی‌سینی آلاراق دیابت خسته‌لری اوچون خصوصیله فایدالی اولا بیلر. داواملی نشاستا باغیرساق ساغلاملیغینی دستکلییر و هضم سیستمینده یاخشی باکترییالارین انکشافینا کمک ائدیر.

لیفله زنگین اولدوغو اوچون یاشیل بانان توخلوق حسینی آرتیریر. اونا گؤره ده چکییه نظارت ائتمیی آسانلاشدیریر. ترکیبینده‌کی ویتامینلر ساری بانانلا دئمک اولار کی، عینیدیر.

یاشیل بانان پروبیوتیک تأثیر گؤستریر. باغیرساقلاردا فایدالی باکترییالارین قیدالانماسینا کمک ائدیر و هضم سیستمینین ساغلام ایشله‌مه‌سینه سبب اولور.

بوندان علاوه، بعضی تدقیقاتلار گؤستریر کی، یاشیل بانانین ترکیبینده‌کی داواملی نشاستا کلسترول سویه‌سینی آشاغی سالا بیلر.