بیر مدت اول سوسیال شبکهلرده، ائلجه ده کیو-ده آغجاقانادلار واسطهسیله یاییلاجاق یئنی خستهلیین پاندمییایا سبب اولا بیلجیی حاقدا معلومات یاییلمیشدی. سون گونلر ایسه قونشو ایراندا آئدئس آغجاقانادی واسطهسیله خستهلیک یاییلماسی، بو خستهلییه یولوخانلارین سایینین ۹۰-آ چاتماسی و اونلارین آراسیندا اؤلوم حاللارینین دا قیده آلینماسی «یئنی پاندمییا گؤزلنیلیرمی؟» سوالینی گوندهمه گتیریب.
موضوع ایله باغلی Axar.az-آ دانیشان پروفسور عادیل قیبوللا آغجاقانادلارین بیر چوخ خستهلیین - مالیارییانین، دانق قیزدیرماسینین و دیگر ویروسلارین آسانلیقلا یاییلماسیندا اؤنملی رولو اولدوغونو بیلدیریب.
اونون سؤزلرینه گؤره، بونون قارشیسینی آلماق اوچون بعضی یئرلرده گؤلمچهلر قورودولور، آغجاقانادلار محو ائدیلیر:
«هانسیسا خستهلیین پاندمییا یاراتماسی مسئلهسینه گلینجه، عادتاً پاندمییایا میللی خستهلیکلر هاوا-دامجی یولو ایله یاییلانلاردیر. مسئله بوندادیر کی، آغجاقانادلا یاییلان خستهلیکلر اساساً قان ایله کئچیر. اونا گؤره ده بورادا پاندمییا قورخوسو یوخدور. بونا باخمایاراق، ایستهنیلهن حالدا بیر اینفکسییانین نئجه پرفورمانس گؤسترجیینی اؤنجهدن پروکنوزلاشدیرماق چوخ چتیندیر. اونا گؤره ده نسه پیدا اولوبسا، مطلق اونونلا باغلی تدبیر گؤرولمهلی، هر بیر دولت ترانس سرحد کئچید زونالاریندا بونو نظره آلمالیدیر».