"قارپیز یئیین، بؤیرکله‌نیز داشدان، قوم‌دان تمیزله‌نسین» فکری طبی باخیم‌دان دوغرودورمو؟ حقیقتا ده تکجه قارپیزلا بؤیرکلره دستک وئره بیلریک؟

Axar.az خبر وئریر کی، نفرولوق-حکیم اولگا آزارنکو قارپیزین بؤیرکلره فایداسی و ضرریندن دانیشیب.

«عمومیتله، هر هانسی بیر ارگانی تمیزله‌مک طبی باخیم‌دان دوزگون فکر دئییل. چونکی بؤیرک اؤزو اؤزونو تمیزله‌یه‌ن ارگاندیر. بؤیرکلر قانی، ارگانیزمی سون مادده‌لردن، توللانتیلاردان، توکسیک بیرلشمه‌لردن، درمان قاللیقلاریندان تمیزلییر.

طبی باخیم‌دان قارپیز، یئمیش، خیار مایع یوکونو آرتیریر و بؤیرکلرین ایشینی چوخالدیر. لاکن بو هئچ ده اونلارین تمیزلنمه‌سی دئمک دئییل. بعضی نفرولوژی پروبلملرده، خسته‌لیکلرده، خرونیکی بؤیرک یئتمزلیینده عکسینه، مایع چوخلوغو، قارپیز ضرر وئره بیلر. اگر بؤیرکلره دستکدن دانیشساق، اونلار اوچون قارپیزلا عادی سویون هئچ بیر فرقی یوخ‌دور. یعنی قارپیزدا خصوصی فایدالی بیر ترکیب یوخ‌دور»، - حکیم بیلدیریب.