انرژی ایچکیلری معاصر گنجلرین حیاتینین آیریلماز حصه‌سینه چئوریلیب. امتحان دورونده طلبه‌لر، مشقدن اول ایدمان‌چیلار، حتی آزیاشلی اوشاقلار آراسین‌دا بو ایچکیلره میل خیلی آرتیب.

Axar.az خبر وئریر کی، طب علملری دوکتورو ائلویرا خاچیرووا انرژی ایچکیلرین‌دن استفادنین ریسکلری باره‌ده خبردارلیق ائدیب.

اونون سؤزلرینه گؤره، انرژی ایچکیلرینین ترکیبینده کافئین، کلوکوزا، ل-کارنیتین، تاورین و ب ویتامینلری وار. اونلار موقتی اولاراق ذهنی و فیزیکی فعالیتی ایستیموللاشدیریر، عینی زمان‌دا اورک-دامار سیستمینه جدی تأثیر گؤستریر.

متخصص حساب ائدیر کی، بو ایچکیلر قان تضییقینی آرتیریر، اورک ریتمینین پوزولماسینا سبب اولور.

خاچیرووا بیلدیریب کی، انرژی ایچکیلری خصوصیله یئنی‌یئتمه‌لر اوچون تهلوکه‌لی‌دیر. کافئین یوخونو پوزور. بوندان علاوه، انرژی ایچکیلری میوکارد ایشمییاسی و اینفارکت ریسکینی آرتیریر.

حکیم بئله ایچکیلرین تئز-تئز مصرفی‌نین ساغلاملیغا منفی تأثیر ائتدیینی و اورک-دامار سیستمی اوچون جدی فسادلارا سبب اولا بیلجیینی وورغولاییب.

قید ائدک کی، بوندان اول ده حکیملر انرگئتیک ایچکیلردن سونرا اورک توتماسیندان اؤلوم فاکتلاری باره‌ده خبردارلیق ائدیبلر.