روبرت کؤچریان آگنت ایدی. بئله بیر فاکت دا دئییم کی، او بونون اوچون خصوصی حاضرلیق کئچمیشدی.

Axar.az خبر وئریر کی، بونو اجتماعی تلویزییانین ائفیرینده یاییملانان "تماس خطی" وئریلیشینده آذربایجانین سابق خارجی ایشلر ناظیری توفیق ذوالفوقاروو دئییب.

او، آذربایجان-ارمنیستان نماینده هیئتینین اوکراینادا تشکیل اولونموش غیر-رسمی گؤروشوندن دانیشیب:

"اوندا کؤچریان بیردن یادا سالماغا باشلادی کی، او، واختیله اوزگوچولوکله مشغول اولوب، تئز-تئز قارا دنیزده اوزورموش. اوندان سوروشوبلار کی، نه اجب قارا دنیز؟ سبب ده بو ایمیش کی، اورادا سو آلتین‌دا خصوصی تشکیل اولونموش کورسلار اولوب. دیورسانت کیمی مختلف حاضرلیق نوع‌لرینه جلب اولونوب. او حتی کتابین‌دا دا یازیب کی، قاراباغ‌دا حادثه‌لر باشلایان‌دا آرتیق کومسومولون اجلاسلارین‌دا یوخ، دیگر انسانلارلا گؤروشوردو. خانکندی‌ده خصوصی تشکیلات کمیته‌سی وار ایدی. مختلف یئرلردن گلن میلیس، ک.گ.ب ایشچیلرینین بیر قسمی گویا گون‌اورتا عصیانی یاتیرماق اوچون گلمیشدیلر، آخشاملار ایسه کوچاریانلا، گوگاسیانلا گؤروشورلرمیش. بونو کوچاریان اؤزو یازیر. یعنی احتیاط‌دا اولان حاضرلیقلی آگنت اولوب".

"تر-پتروسیانین دا پارلاق کئچمیشی اولماییب. اونون آتاسی سوریادا کمونیست پارتییاسینین تشکیلات‌چیلاریندان بیری ایدی. یعنی بیز گؤرملییک کی، اونلارین سیاسی الیتاسی چوخ گوج‌لو شکل‌ده روسیانین تأثیری آلتین‌دا ایدی"، - دئیه سابق ناظیر علاوه ائدیب.