لیتوا مسکوایا یئنی اعتراض نوتاسی گؤندره‌رک، روسیانین نویابرین ۱۴-ده کیئوده‌کی آذربایجان سفیرلیینین بناسینا جدی زیان وورماسینا خصوصی دقت یئتیریب.

Axar.az خبر وئریر کی، بو باره‌ده لیتوا خارجی ایشلر ناظیرلییندن بیلدیریبلر.

ویلنوس حادثه‌نی دیپلماتیک مناسبتلر حاقین‌دا ویانا کنونسییاسینین کوبود شکل‌ده پوزولماسی آدلاندیریب.

لیتوا همچنین روسیانین اوکراینایا قارشی سون هجوملارینی قطعیتله پیسله‌ییب:

«کیئوده و پایتاخت بؤلگه‌سینده، ائلجه ده خارکوو، اودسا، سوم و دیگر شهرلرده اون نفردن چوخ ملکی شخص هلاک اولوب، اونلارلا انسان یارالانیب. یاشاییش بنالارینا، چوخ‌منزللی بنالارا، خسته‌خانایا، انرژی اوبیکتلرینه و دیگر اینفراستروکتور اوبیکتلرینه زیان دییب».