بو گون غیرثابت آوروپا تهلوکه‌سیزلیک و امکداشلیق تشکیلاتی رگیونون‌دان فرقلی اولاراق، آذربایجان و ارمنیستان ان دینج و ثابت دؤورو یاشاییر. هر ایکی طرف حکومت، پارلامنت و وطنداش جمعیتی سوییه‌لرینده مختلف اؤلچولر اوزره کونکرت تدبیرلرین حیاتا کئچیریلمه‌سی استقامتینده ایرلیله‌ییر.

Axar.az خبر وئریر کی، بو باره‌ده آذربایجان خارجی ایشلر ناظیری جیحون بایراموو ویانادا آوروپا تهلوکه‌سیزلیک و امکداشلیق تشکیلاتی خارجی ایشلر ناظیرلری شوراسینین ۳۲-جی اجلاسین‌دا چیخیشی زمانی بیلدیریب.

اونون سؤزلرینه گؤره، صلح پروسسینه علاوه تکان وئرمک مقصدیله، آذربایجان خوش‌مراملی ژست اولاراق، ارمنیستانا مناسبتده محصوللارین ترانزیت محدودیتینی بیرطرفلی قایدادا آرادان قالدیریب.

«آذربایجان طرفیندن اوزون ایللر عرضینده تشویق اولوندوغو کیمی، بو نائلیتلر آیدین شکل‌ده نمایش ائتدیریر کی، بیرباشا ایکی‌طرفلی دانیشیقلار ایر‌لییه آپاران ان یاخشی یول‌دور. آذربایجان صلح گوندلیینین تشببوسکاری کیمی بو یولا صادقدیر و ارمنیستان طرفیندن ده قارشی‌لیقلی سیاسی اراده و مسئولیتی گؤزله‌ییر. بیز بو چرچیوه‌ده، نرماللاشما پروسسینین یکونلاشدیریلماسی نامینه خوش نیتین و بوتون عهده‌لیکلرین زمانین‌دا اجراسینین حل‌ائدیجی اهمیتینی وورغولاییریق»، - دئیه ناظیر دقته چاتدیریب.