خاریجی ایشلر ناظیری ائلمار مممدیاروو ایرانین رابطه و اینفورماسییا تئخنولوگییالاری ناظیری محمود واعظینین باشچی‌لیق ائتدیی نماینده هئیتینی قبول ائدیب.

ناظیرلیین مطبوعات خیدمتیندن آخار . آذ-آ وئریله‌ن معلوماتا گؤره، گؤروشده آذربایجانلا ایران آراسیندا امکداشلیغین بوتون ساحه‌لرده اوغورلا اینکیشاف ائتدیریلمه‌سین‌دن، او جمله‌دن اؤلکه‌لریمیز آراسیندا تیجارت دؤورییه‌سینین و سرمایه قویولوشونون آرتیمی، هابئله کند تصروفاتی، نقلیات، توریزم، صنایع و دیگر ایستیقامتلرده اوغورلو اینکیشافدان ممنونلوق ایفاده اولونوب.

واعظی دؤولت کومیس‌سییانین فعالیتی و الده اولونان نایئلیتلر باره‌ده معلومات وئریب، ایرانین بوتون ساحه‌لرده آذربایجان ایله امکداش‌لیغی درینلشدیرمک نیتین‌ده اولدوغونو وورغولاییب.

امممدیاروو ایکی اؤلکه‌نین دؤولت باشچیلارینین ایراده‌سینه، معین ائتدیکلری ایستراتئژی خطه و خالقلاریمیزین عنعنوی دوستلوغونا اویغون اولاراق آذربایجانین دا ایرانلا بوتون ساحه‌لرده امکداشلیغی داها دا اینکیشاف ائتدیرمک‌ده ماراقلی اولدوغونو بیلدیریب و دؤولت کومیسسییاسینین ایشینی، خصوصیله واعظینین فعالیتینی یوکسک قیمتله ندیریب.

گؤروش‌ده شیمال-جنوب نقلیات دهلیزینین تیکینتیسی ایستیقامتینده حاضردا گؤروله‌ن ایشلر، لاییحه‌نین اهمیتین‌دن سؤز آچیلیب و بو لاییحه‌نین رئگیونلاراراسی امکداشلیغین اینکیشافینا موهوم تؤحفه وئره جه یینه امین‌لیک ایفاده ائدیلیب. طرفلر بو ایلین آوگوستون‌دا باکی‌دا کئچیریلمیش آذربایجان-ایران-روسییا دؤولت باشچیلارینین اوچ طرف‌لی گؤروشونون اهمیتینی قئید ائد‌رک، بو فورماتدا ایران‌دا کئچیریله‌جک نؤوبتی گؤروشو موذاکیره ائدیبلر.

رئگیونال مسئله‌لری موذاکیره ائد‌ن ناظیرلر، تئرروریزمه قارشی بیرگه موباریزه و اینفورماسییا موبادیله‌سینین واجیبلیینی وورغولادیلار و قارشی‌لیق‌لی ماراق دوغوران دیگر مسئله‌لر اطرافین‌دا فیکیر موبادیله‌سی آپاریبلار.