آوروپا تهلوکسیزلیک و امکداشلیق تشکیلاتینین ارمنیستان‌دا اوفسینین باغلانماسینا سبب ارمنیستان رهبرلیینین اونا ائدیله‌ن تکلیفلره راضیلیق وئرمه‌مه‌سیدیر.

ترند-این معلوماتینا گؤره، بونو خاریجی ایشلر ناظرینین معاوینی آراز عظیموو دئییب.

آ. بیلدیریب کی، همین تکلیفلر آذربایجانین لگیتیم ناراضی‌لیقلارینا اساسلانیردی: «بیز آوروپا تهلوکسیزلیک و امکداشلیق تشکیلاتی طرفین‌دن معین بیر ضمانتلر طلب ائتمیشدیک کی،آوروپا تهلوکسیزلیک و امکداشلیق تشکیلاتینین ایروان‌داکی اوفیسی اؤز فعالیتینی یالنیز ارمنیستانین سرحدلری داخیلینده حیاتا کئچیرسین و آذربایجانین ایشغال آلتیندا اولان اراضیلرینه سیرایت ائتمه‌سین. بیر ده آوروپا تهلوکسیزلیک و امکداشلیق تشکیلاتینین ایروان اوفیسینین فعالیتینده هئچ بیر ایستیقامت‌ده و هئچ بیر ساحه‌ده ارمنیستانین آذربایجانلا م+ناقیشه‌لی مسئله‌لرینه، اونون حلی ایستیقامتین‌ده آپاریلان فعالیته و یا اونون سیاسی، اقتصادی هومانیتار، حربی آسپکتلرینه توخونولماسین».

ناظر معاوینی بیلدیریب کی، نتیجه اولاراق آوروپا تهلوکسیزلیک و امکداشلیق تشکیلاتی رهبرلیگی معین تکلیفلر وئرمیشدی کی، ارمنیستان دا بونا راضی اولماییب: «آوروپا تهلوکسیزلیک و امکداشلیق تشکیلاتی رهبرلیگی و تشکیلاتا عضو اولان دیگر اؤلکه‌لر بیزیم ناراحاتلیقلاریمیزی قبول ائد‌رک قرارا گلدیلر کی، بئله بیر حالدا آوروپا تهلوکسیزلیک و امکداشلیق تشکیلاتینین ایروان‌داکی اوفی‌یسی اؤز فعالیتینی داوام ائتدیره بیلمز».