یاخین کئچمیشده ایکی‌طرفلی مناسبتلریمیزده معین چتینلیکلرله اوزلشمیشدیک.

Axar.az خبر وئریر کی، بونو خاریجی ایشلر ناظری جیحون بایراموو مسکوادا روسیا خاریجی ایشلر ناظیری سرگئی لاوروولا بیرگه مطبوعات کنفرانسیندا دئییب.

ناظیر بیلدیریب کی، بو مسئله بوگونکو مذاکره‌لر زمانی دا قید اولونوب: «ممنونلوق حسی ایله وورغولاماق ایسته‌ییرم کی، دولتلریمیز همین مرکب مرحله‌نی گئریده قویماغا و روسیا-آذربایجان مناسبتلرینین بوتون اسپکترینی تام شکلده نرماللاشدیرماغا نایل اولوب.

خصوصیله قید ائتمک ایستردیم کی، بو نرماللاشما اؤلکه‌لریمیزین رهبرلرینین شخصی موقعی سایه‌سینده ممکن اولوب. مناسبتلرین تام فورماتدا برپاسی محض بو سعیلرین نتیجه‌سینده حیاتا کئچیریلیب».

جیحون بایراموو قید ائدیب کی، آذربایجان و روسیا چوخ عصرلیک تاریخی، مدنی و هومانیتار علاقه‌لرله بیرلشن قونشو دولتلردیر: «اؤلکه‌لریمیز آراسیندا مناسبتلر محکم کاراکتر داشییر، خالقلاریمیز آراسیندا سیخ و درین علاقه‌لر موجوددور. بو علاقه‌لر اؤز نوبه‌سینده دولتلرآراسی مناسبتلرین اساسینی تشکیل ائدیر».