آذربایجانلا ارمنیستان آراسیندا یاشانا بیله‌جک هر هانسی حربی عملیاتلار شرایطینده تورکییه، شوبهه‌سیز کی، آذربایجانا ایسته‌نیله‌ن حربی یاردیمی گؤستره‌جک.

بو سؤزلری روسییا فئدراسییاسی اجتماعی پالاتاسینین عضوو، پولیتولوق سئرگی مارکوو تورکییه ایله ارمنیستان آراسینداکل سوله پروتوکوللارینین لغوینین دوغورا بیله جه یی نتیجه‌لر حاقدا آخار. آذ-آ دانیشارکن دئییب.

پولیتولوق بیلدیریب کی، بو پروتوکوللارین لغوی هر هانسی بیر خصوصی دییشیکلییه سبب اولمایاجاق:

«مسئله بوراسیندادیر کی، تورکییه ایله ارمنیستان آراسیندا باغلانان سوله موقاویله‌سی سؤزو گئدن اؤلکه‌لر آراسینداکی وضعیت اوچون ائله ده بؤیوک اهمیت داشیمیر. چونکی اونلار آراسیندا یازیلی اولمایان قانونلار وار.

آذربایجانلا ارمنیستان آراسیندا یاشانا بیله‌جک هر هانسی حربی عملیاتلار شرایطینده تورکییه، شوبهه‌سیز کی، آذربایجانا ایسته‌نیلن حربی یاردیمی گؤستره‌جک. بو حقیقت‌دیر. تورکییه آذربایجان موناسیبتلرینی نظره آلساق، اونسوز دا سؤزوگئدن موقاویله غریبه ایدی.

بونونلا یاناشی، بیر مثال چکیم. یاپونییا ایله روسییا فئدراسییاسی آراسیندا سوله موقاویله‌سی مؤوجود دئییل. اما اونلار آراسیندا گوجلو موتتفیقلیک و سوله موناسیبتلری مؤوجوددور. و اونلارین بو موناسیبتلری ارمنیستانلا تورکییه آراسینداکی موناسیبتلردن داها یاخشی‌دیر».

قئید ائدک کی، ارمنیستان خاریجی ایشلر ناظیری رهبری ائ. نالبندیان سوریخ پروتوکوللارینین لغو ائدیله جه یینی آچیقلاییب.