Axar.az
یوخاری
26 یانوار 2020


ایران‌داکی اوولکی اعتراضلاردا بو قدر ایتکی اولمامیش‌دی-شاهین خیاولی

آنا صحیفه سیاست
12 Punto 14 Punto 16 Punto 18 Punto

شاهین خیاولینین دئدیکلرینه گؤره، آمنئستی اینتئرناتیونال کیمی بین الخالق قوروملار سون خالق اعتراضلارینین قوربانلاری ایله باغلی معلوماتلاری توپلاماق اوچون ایران‌لی حقوق مدافعه‌چیلری ایله کووردیناسییالی شکیل‌ده چالیشیرلار.

گونئی‌لی حقوق مدافعه‌چی‌سی دئییر کی، سون خالق اعتراضلاری زامانی حاکمیتین تطبیق ائتدیی اینسان حاقلاری پوزونتولاری کئچمیش‌ده باش وئره‌نلرلرله موقاییسه‌ده داها آغیر اولموش‌دور.

یاشیل حرکات دؤنه‌مین‌ده تجاووز و چئشیت‌لی ایشگه‌نجه مئتودلاری کیمی چوخ جدی اینسان حاقلاری پوزونتولارینا شاهید اولدوق. سون اعتراضلاردا داها آغیر اولایلار باش وئریب.

«۲۰۱۷-جی ایلده ده اقتصادی اعتراضلار اولدو. اما اونون نتیجه‌سی بو قدر آغیر دئییل‌دی. بو قدر چوخ ایتکی اولمامیش‌دی. بو اعتراضلار چوخ فرق‌لی ایدی. خصوصیله ایرانین اینتئرنئتی کسمه‌سی اینسان حاقلاری پوزونتولارینین ایلک آددیمی اولدو،» خیاولی وورغولاییر.

آمنئستی اینتئرناتیونال تشکیلاتینین بیلدیردیینه گؤره، ایران‌دا نویابرین ۱۵-ده باش‌لانان کوتلوی اعتراضلار زامانی اکثریتی مأمورلارین آچدیغی آتش نتیجه‌سین‌ده اولماقلا، ۲۰۰-دن آرتیق وطنداش هلاک اولوب.

بعضی قوروملار اؤل‌نلر و ساخلانیلانلارین سایینین داها آرتیق اولدوغونو اؤنه چکیرلر. شاهین خیاولینین سؤزلرینه گؤره «آمنئستی اینترناتیونال تشکیلاتینا هله ده یئنی معلوماتلار گلیر.»

«یاشیل حرکات دؤنه‌مین‌ده چوخ جدی اینسان حاقلاری پوزونتولارینا شاهید اولدوق. تجاووزدن توتموش، چئشیت‌لی ایشگه‌نجه مئتودلارینا قدر. بونلارین هامی‌سی رژیم طرفین‌دن ایران‌دا یاشایان میللتلره تطبیق ائدیل‌دی... سون اعتراضلاردا داها آغیر اولایلار باش وئریب،» حقوق مدافعه‌چی‌سی سؤیلییر.

آذربایجان میللی حرکاتی اولاراق بیز بونو اؤز ایچیمیزده داها چوخ منیمسملیگیک. تورکلرین یاشادیغی بؤلگه‌لرده‌کی اعتراضلاردا هر هانس بیر شخص توتول‌سا، بیز، اونا صاحب چیخمالیییق.
موختلیف اینسان حاقلاری قوروملاری، شاهین خیاولینین سؤزلرینه اساساً، سون اعتراضلاردا اؤل‌ن و خسارت آلانلارلا باغلی معلوماتلاری الده ائتمک اوچون کووردیناسییالی بیر شکیل‌ده چالیشیبلار:

«بین الخالق اینسان حاقلاری قوروملاری، خصووصیله آمنئستی اینتئرنشنال کووردیناسییالی بیر شکیل‌ده خاریج‌ده یاشایان [ایران‌لی] اینسان حاقلاری فعاللاری ایله ایرطباتا کئچ‌دی. مثلاً بیز اینتئرنئتین کسیلدیی گون‌دن اونلارا گلن و بیزه گلن معلوماتی توپلاییب، اونلارین دوغرو اولوب-اولمادیغینی آراشدیریریق. بیز قاشقای ائلی و خوراسان‌دا یاشایان تورکلر، هابئله تورکمه‌نلره ده مراجعت ائدیب و ایستدیک کی، توتولان و اؤل‌نلرله باغلی معلوماتی بیزه گؤندرسینلر کی، آمنئستی ایله پایلاشاق.»

حقوق مدافعه‌چی‌سی ایران آذربایجانین‌دا میللی حرکاتا منسوب فعاللارین دا بو ایستیقامت‌ده فایدالی فعالیتلر یوروده بیله‌جکلرینه دقت چکیر.

«آذربایجان میللی حرکاتی اولاراق بیز بونو اؤز ایچیمیزده داها چوخ منیمسملیگیک. تورکلرین یاشادیغی بؤلگه‌لرده‌کی اعتراضلاردا هر هانس بیر شخص توتولسا، بیز اونا صاحب چیخمالیییق. بلکه بو اینسان میللی فعالیتلرده اولماییب، اما او اعتراضلاردا توتولوب،» خیاولی قید ائدیر.

حاکمیتین اعتراضلاردان سونرا اینتئرنئتی بوتونلوکله بلوکلاماسینا دقت چکه‌ن شاهین خیاولی علاوه ائدیب کی، «بون‌دان سونراکی پروسئسلرده هم اینسان حاقلاری قروپلاری، هم ده دیگر قروپلار فرق‌لی مئتودلار آختاراجاقلار کی، بو کیمی اعتراضلار باش وئردیین‌ده خبرلری ایچری‌دن آلا بیل‌سینلر. بو بیر تجروبه اولدو و من دوشونوره‌م کی، گله‌جک‌ده فرق‌لی چؤزوم یوللاری تاپیلاجاق.»

تاریخ
2019.12.06 / 22:38
مولف
Axar.az
شرح لر
دیگر خبرلر

ارمنیلر شوشا قالاسینی محو ائدیر

ارمنی اولیقارخلار کلبجر و لاچینی محو ائدیر - کانانیان

ایران و آمریکا آراسین‌دا سلاحلی قارشی‌دورما… – مارک فینونون پروقنوزو

پرزیدنت ایلهام علیئوین مقاله‌سی درج ائدیلدی

«ایران‌دا سوسیال پارتلاییش...» – بؤلگه‌ده هسساس دوروم

بو مسئله ایران طرفی ایله راضیلاشدیریلیب – ایلهام علیئو

طیاره قالماقالی: ایران رقیبلرینه بهانه وئردی – شرح

نیکول آمریکا ایرانا واسطه‌چی‌لیک تکلیفی ائتدی - تراگیکومدییا

دونیا ناراحات‌دیر: آمریکا نووه ضربه‌سی ائندیره‌جک؟ - ویدئو

آمریکا ایرانا قارشی گیزلی سلاح تطبیق ائتدی: زلزله باش وئردی

خبر خطّی
 
Axar.az'da reklam Bağla
Reklam
Bize yazin Bağla