یوخاری

کوروناویروس میللی دؤولتلرین گوجونو گؤستریر-ایران‌لی پولیتولوق

آنا صحیفه سیاست
12 Punto 14 Punto 16 Punto 18 Punto

پولیتولوق حسین پاشایی دونیادا کوروناویروس زمینین‌ده یارانان فؤوقه‌لاده وضعیت سببیله بیر یان‌دان بئینلخالق و ترانسمیل‌لی قوروملارین نفوذونون آزالماسی، دیگر ترفدن‌سه میللی دؤولتلرین رولونون گئنیشله‌نمه‌سینه دقت چکیب.

پاشایینین سؤزلرینه گؤره، «بعضی اولایلار وار کی، دونیانین تامامینا درین‌دن تأثیر گؤستریرلر. اؤرنک اولاراق، دونیا محاربه‌لری، سووئتلرین داغیلماسی و یا ۱۱ سئنتیابر مسله‌سی. ایندی ده، کوروناویروس مسئله‌سی. قطعی‌لیکله، بون‌دان سونرا تاریخ‌چیلر تاریخ یازان‌دا یا سیاست‌چیلر دانیشان‌دا، دونیادا اولایلاری کورونادان اؤنجه و کورونادان سونرا دئیه‌رک آراش‌دیراجاقلار و دانیشاجاقلار.»

ائله بیر شرایطه گلیب چاتیب کی، دؤولتلرین پئرفورمان‌سینی ویروسون یاییلماسینی اؤنله‌مک‌ده اوغورلو اولوب اولماماسی ایله اؤلچه‌جکلر...
پاندئ‌مییا سببیله اینسان حیاتین‌دا یارانان بؤیوک دییشیک‌لیکلره دقت چکه‌ن سیاسی ائکسپئرت دئییر، «او اینسان کی، دونه‌نه قدر او بیری پلانئتلری کشف ائتمک، او بیری پلانئتلره گئتمکله اوغراشیردی، بوگون نه یازیق کی، ائوین‌دن کوچه‌یه چیخا بیلمیر.»

بو گونلرده بئینلخالق مئدیا، هابئله اقتصادی و سیاسی ائکسپئرتلر «قلوباللاشما کوروناویروسا مغلوب اولاجاق‌می» سوالینی گون‌ده‌مه گتیریرلر.

حسین پاشایینین فیکرینجه، قلوباللاشمایا قارشی منفی باخیشلار اونسوز دا سون ایللرده چوخالماغا باشلامیش‌دی:

کوروناویروس پاندئ‌مییاسی ۱۹۱۸-جی ایلده باش قال‌دیران ایسپان قریپین‌دن بری دونیانین ان ایریمیقیاس‌لی پاندئ‌مییاسی ساییلیر.
«ایندی، بیر بو ویروس مسئله‌سی وار. بون‌دان دولایی بوتون پاسپورتلارین دیری و اعتباری آرتیق عینی سوییه‌یه گلیب چاتیب. داها هئچ بیر اؤلکه‌دن اوچوش یوخ‌دور. هاوا یوللاری شیرکتلرینین هامی‌سی فعالیتلری دایاندیرمیش دورومدادیرلار. بیر ده باشقا مسئله وار ایدی. او دا، آوروپا و آمئریکادا رادیکال ساغ‌چیلارین اقتدارا گلمه‌سی ایدی. برئخیت مسئله‌سی وار ایدی. آرتیق بعضی کولکلر اسیردی. قلوباللاشمایا قارشی سرت باخیشلار وار ایدی.»

پولیتولوقون سؤزلرینه گؤره، «اقتصادی اینکیشاف و قلوباللاشما پروسئ‌سینین سرعتله‌نمه‌سی ایله آرتیق دونیادا میللی دؤولتلرین اؤن‌می آزالماغا دوغرو گئدیردی. اما، بو کوروناویروس اولایی دا گؤستردی کی، تهلوکه‌سیزلیک مسئله‌لری؛ سرحد تهلوکه‌سیزلیگی و ایندی ده بو سهییه تهلوکسیزلیینه گلدیین‌ده، آرتیق ترانسمیل‌لی تشکیلاتلار او قدر ده تأثیرلی اولا بیلمیرلر... کوروناویروس مسئله‌سی بورادا چوخ تأثیر گؤستردی.»

چونکی، بئله چتین‌لیکلرده مثلاً، آوروپا بیرلیگی یا بیرلشمیش میللتلر تشکیلاتی او قدر ده یاردیم ائتمیرلر.
او، پاندئ‌مییا زمینین‌ده یارانان فؤوقه‌لاده وضعیت‌ده میللی دؤولتلرین رولونون آرتماسینی اؤنه چکه‌رک دئییر، «میللی دؤولتلرین گوجلرینی یئنی‌لدیینی گؤروروک. چونکی، بئله چتین‌لیکلرده مثلاً، آوروپا بیرلیگی یا بیرلشمیش میللتلر تشکیلاتی او قدر ده یاردیم ائتمیرلر.»

حسین پاشایی حساب ائدیر کی، کوروناویروس فونون‌دا یارانان سیاسی وضعیتین نئجه اینکیشاف ائدجیینی زامان گؤستره‌جک:

«ایندی فؤوقه‌لاده وزیتدییک. ائله بیر شرایطه گلیب چاتیب کی، دؤولتلرین پئرفورمان‌سینی ویروسون یاییلماسینی اؤنله‌مک‌ده الده ائتدیی اوغورلا اؤلچه‌جکلر... بو وضعیت بیتدیک‌دن سونرا دا دؤولتلر فورصت‌دن ایستیفاده ائدیب و بو شرایطی قورویاجاقلار و یا بئینلخالق و ترانسمیل‌لی تشکیلاتلارین وضعیتی نه اولاجاق، اونو زامان گؤستره‌جک.»

تاریخ
2020.04.08 / 22:19
مولف
Axar.az
دیگر خبرلر

روسیا باش پروکورورلوغون‌دان آذربایجان آچیقلاماسی

انگلیس سفیردن یکاترینبورگ حادثه‌لرینه رئاکسییا

نووه سلاحی ایرانی حساس دوروما سالا بیلر - عراقچی

آذربایجان و آلمانیا آراسین‌دا مصلحتلشمه‌لر آپاریلدی

رسمی باکی‌دان روسیایا: بونو گؤزلییریک!

مسکوانین باکییا «دمارشی»: بونا حاضیرلاشمالییق

علیئو و زلنسکی راضیلاشدی: یاخین زمان‌دا...

ولادیمیر زلنسکی ایلهام علیئوه باشساغلیغی وئردی

آوروپا سفیریندن یکاترینبورگداکی زوراکیلیغا رئاکسییا

ایران رسمیلری ترامپلا گؤروشه جان آتمیر - ایروانی

خبر خطّی
Axar.az'da reklam Bağla
Reklam
Bize yazin Bağla