«بؤلگه اؤلکه‌لری، او جمله‌دن ایران، ایراق و تورکییه‌نین ترورچولارا قارشی بیرگه مباریزه آپارماسی اوچ اؤلکه‌نین گوندلیینده‌دیر».

آخار. آذ خبر وئریر کی، بونو ایران خاریجی ایشلر ناظیرلیینین (خین) سؤزچوسو عباس موسوی بو گون کئچیردیی مطبوعات کنفران‌سین‌دا ایرانین عراقلا سرحد بؤلگه‌لرینه هجوم ائتمه‌سی ایله باغلی سوالا جوابین‌دا دئییب.

«منیم اوچ اؤلکه آراسین‌دا بو عملیاتلارلا باغلی کووردیناسییا اولوب-اولماماسین‌دان خبریم یوخدور. لاکین ایرانین اؤز سرحدلرینی قوروماسی و ترورچولاردان تمیزله‌مه‌سی طبیعی حاقی‌دیر. بو عملیاتین دیگر اؤلکه‌لرله عینی واخت‌دا آپاریلماسی تصادف‌دور. من مشترک عملیاتین کئچیریلمه‌سی مسئله‌سینی تصدیقلمیرم. لاکین هر ۳ اؤلکه آراسین‌دا ترورچولارلا مباریزه‌ده جدی ایراده مؤوجوددور»، - دئیه خین سؤزچوسو بیلدیریب.

آمریکادا کئچیریله‌جک پرزیدنت سئچکیلرینه توخونان آ. موسوینین سؤزلرینه گؤره، ایرانین آمریکانین و هر هان‌سی بیر اؤلکه‌نین داخیلی مسئله‌لرینه مداخیله ائتمک فیکری یوخدور: «آمریکاداکی نامیزدلرین آراسین‌دا باش وئرنلر اونلارین داخیلی ایشلری‌دیر. بیزیم اوچون اونلارین اؤلکه‌لرینین تالعیی ایله باغلی نه قرار قبول ائد‌جکلرینین هئچ بیر اهمیتی یوخ‌دور. بیزیم اوچون اؤنملی اولان اونلارین بؤلگه‌ده‌کی سیاستی‌دیر کی، بیز اؤز داورانیشیمیزی اونلارین بو سیاستینه اوغون تنظیملییریک».

آمریکانین ایرانا قارشی سلاح سانکسییالارینین واختینی اوزاتماسینا مناسیبت بیل‌دیره‌ن موسوی قئید ائدیب کی، بو، ب ام ت تهلوکه‌سیزلیک شوراسینین ۲ ۲۳۱ سایلی قطعنامه‌سینه ضیددیر و بونون منفی تأثیرلری اولاجاق: «آمریکانین ایرانا قارشی سلاح سانکسییاسینین اوزادیلماسینا قارشی ۲-۳ خصوصی آددیم نظرده توتولوب کی، شرایطه اویغون اولاراق ایجرا اولوناجاق. لاکین دوشونوره‌م ایش او یئره گلیب چاتمایاجاق، اونلار عقل‌لی داوراناجاق و ایشین بو یئره چاتماسینا ایمکان وئرمه‌یه‌جکلر».