ارمنیستان وطنداشی ۳۰ یاش‌لی نارئک سارداریان ایشغال‌چی اؤلکه‌نین مؤقعلرین‌ده یارانمیش نظارت‌سیزلیک‌دن ایستیفاده ائد‌رک ناخچیوان موختار رسپوبلیکاسینین اراضی‌سینه کئچیب.

آخار. آذ خبر وئریر کی، حربی‌چیلریمیز طرفین‌دن ساخلانیلان سارداریان ناخچیوانلا سرحدده حیواندارلیقلا مشغول اولدوغونو، اؤز اؤلکه‌سین‌ده اولان زوراکی‌لیق، مأمور اؤزباشینالیغی و عدالت‌سیزلیکلردن بئزه‌رک سرحدی کئچمک اوچون فورصت آختاردیغینی و اؤلکه‌میزه سیغیندیغینی بیلدیریب.

سارداریانین اعترافلارینی تقدیم ائدیریک:

سوال: اؤزونوزو تقدیم ائدین.

جواب: من، سارداریان نارئک سورئن اوغلو ۱۸ اوکتیابر ۱۹۹۰-جی ایلده دوغولموشام، سیونیک رایونونون آشاغی خندزورئسک کند ساکینییه‌م، ۲۰۱۴-جو ایلده عائله حیاتی قورموشام، ۲ اوشاغیم وار، حیواندارلیق و اکینچی‌لیکله مشغول اولورام

سوال: سرحدی نه اوچون کئچمیشدینیز، مقصدینیز نه ایدی؟

جواب: سرحدی اوللر ده کئچمک ایستمیشه‌م، اما ایمکانیم اولماییب، ناخچیوانلا سرحدده حیواندارلیقا مغول اولان‌دا بو ایمکانی الده ائتدیم. چونکی ارمنیستان‌دا زوراکی‌لیقلار، عدالتسیزلیکلر وار، من چوخ مأمورلارا، حاکمیت نماینده‌لرینه مراجعت ائتمیشه‌م، لاکین کؤمک ائتمه‌ییبلر. اونا گؤره من آذربایجان سرحدینی کئچمیشه‌م. آذربایجان طرف‌دن کؤمکلیک ایستییرم. سرحدده عسگرلر منه یاخشی مناسیبتلر گؤستردیلر، آتش آچمادیلار.

سوال: سرحددی نئجه کئچدینیز؟

جواب: حیوانلاری اوتارا-اوتارا آذربایجان پوستونا دوغرو یاخینلاشدیم، حربی‌چیلر منی وورماسین دئیه آغ پالتاریمی چیخاریب گؤیده یئللدیم و حربی‌چیلر منی ساخلادیلار.

سوال: سیزه قارشی هان‌سی حاقسیزلیقلار اولوب؟

جواب: منه قارشی چوخ حاق‌سیزلیقلار اولوب‌دور، کند ایجرا نماینده‌سی تورپاق وئرگی‌سی ایله یاناشی هر بیر حیوان باشینا ۲۰۰۰۰ درام پول ایستییر. اصلین‌ده ۲۰۰۰ درام وئرملیگیک، بیزدن زورلا روشوت اولاراق آرتیق پول آلیرلار. حیوان ساتماق ایستدیکده ساحه موکی‌لی آندرانیک گله‌رک اونون اوچون حاق ایستییر. عکس تقدیرده شر آتاراق حبس ائدجیی ایله هدلییر.

سوال: ناخچیوانلا سرحدده یئرلشه‌ن قورایک کندینین اوتلاق ساحه‌لرینه حیوانلاری نه اوچون گتیرمیشدیز؟

جواب: گوروس‌دا اوتلاق ساحه‌سی یوخ ایدی، قورایک‌دا ایسه ۲۰۰۰ هکتار اوتلاق ساحه‌سی اوچون من‌دن ۱۰۰۰ دلار روشوت آلدیلار. سیسیان ایجرا اورگانینا دا اوتلاق ساحه‌لرین‌دن ایستیفاده اوچون ۱۰۰۰ دلار پول وئرمیشه‌م.

سوال: ارمنیستان‌داکی وضعیت باره‌ده نه دئیه بیلرسینیز؟

جواب: ارمنیستان‌دا وضعیت چوخ پیس‌دیر، دئمک اولار کی، هئچ بیر ایش یوخ‌دور، روشوتخورلوق و عدالت‌سیزلیک باش آلیب گئدیر. پلیس‌ده روشوتخورلوق چوخ‌دور، اهالینین سوسیال-اقتصادی وضعیتی چوخ آغیردیر. سیونیک ویلایتی اراضی‌سین‌ده‌کی اوتلاق ساحه‌لرین‌ده گوروسون یول پلیسینین رییسی سئواک و حربی کومیسسار آرمن صلاحیتلرین‌دن ایستیفاده ائدیب بوتون الوئریش‌لی تورپاقلاری ضبط ائدیبلر و بیزلره اورادا حیواندارلیقلا مشغول اولماغا ایمکان وئرمیرلر ، همین اراضییه دیگر یئرلی ساکینلری بوراخمیرلار.

سوال: ارمنیستان اوردوسون‌دا عمومی وضعیت نئجه‌دیر؟

جواب: ارمنیستان اوردوسون‌دا وضعیت چوخ پیس‌دیر، هئچ کیم بیر-بیرینی قبول ائتمیر، اینتیطام‌سیزلیق وار، بیر-بیرلرینه تابع اولمورلار، نارکوتیکادان گئنیش ایستیفاده ائدیلیر. اوردودا حربی‌چیلرین نارکوتیکا یئتیشدیریلیب ساتیلماسینا گؤز یومولور. عمومیتله اورادا پلیس نارکوتیکادان ایستیفاده ائد‌نلره قارشی هئچ بیر تدبیر گؤرمور. آیری-آیری اراضیلرده تیریک و نارکوتیکا یئتیشدیریلیر، پلیس ضعیف‌دیر، مباریزه آپارا بیلمیر

سوال: سیزین خیدمت کئچدیینی حربی حیصه‌لرده هانسی قانونسوزلوقلار مؤوجود ایدی؟

جواب: من سرحد قوشونلارینین وانادزیرداکل ۵۰۶۰ سایلی،ایسه زنگیلان رایونونون کاشاتاغ بؤلگه‌سین‌ده‌کی ۵۰۷۰ سایلی حربی حیصه‌لرده خیدمت کئچمیشم، ۲۰۱۹-جو ایلده قوبادلی رایونمون‌دا سفربرلیک توپلانستی‌سین‌دا ایشتیراک ائتمیشه‌م. ارمنیستان اوردوسون‌دا هرج-مرج‌لیک، اینتیظام‌سیزلیق و روشوتخورلوق باش آلیب گئدیرش سفربری توپلاسین‌دا ۷۰۰ نفرین ایشتیراکی نظرده توتول‌سا دا هئچ ۲۰۰ نفر ایشتیراک ائتمیردی.

سوال: سیز حیاتینیزین بون‌دان سونراکی حیصه‌سینی نئجه گؤرورسونوز؟

جواب: خواهیش ائدیره‌م کی، بورادا منه وطنداش‌لیق وئریل‌سین، ارمنیستانا گئری قایتاریلماییم، اورادا بئزمیشه‌م، اورادا اینسانلاری چوخ اینجیدیرلر. اولماسا بئله خواهیشیم بودور کی، منی اوچونجو بیر دؤولته تحویل وئرسینلر.