آنا صحیفه سیاست |
ایرانین «تابناک» اینفورماسییا آگئنتلیگی آذربایجانین ایشغال ائدیلمیش داغلیق قاراباغ بؤلگهسینین ائتنیک کیملیینی ساختالاشدیراراق آشکار شکیلده ایشغالچی ارمنیستانا دستک نوماییش ائتدیریر.
آخار. آذ خبر وئریر کی، آگئنتلیک یاییملادیغی مقالهده ایشغالچینین طرفینی توتاراق، آذربایجان و تورکییهنی توووز رایونو ایله سرحدلرده باش وئرهنلره گؤره مسئولیت داشییان طرفلر کیمی گؤسترمهیه چالیشیب.
منبع سوندا داغلیق قاراباغین ائتنیک کیمیلیینی ده دییشمهیه جهد گؤسترهرک یازیب:
«XI عصرین اوللرینده تورکدیللی خالقلار قافقازا کؤچ ائدیبلر. اونلار بوندان سونرا رگیونون ارمنیلر و گورجولر کیمی بیر چوخ خالقلارینی محصولدار تورپاقلاردان چیخاریبلار. بونونلا دا، ارمنیلرین همین بؤلگهلرده سایی اهمیتلی درجهده آزالیب و اونلار داها چوخ داغلیق بؤلگهلره کؤچوبلر».
علاوه ائدک کی، بو، ایران مئدیاسی و سیاسی دایرهلرینین آذربایجانا قارشی ایلک خیانتکار مؤوقعیی دئییل. بوندان اؤنجه ایسه ایران دؤولت تلویزییاسینین آپاریجیسی دا خبرلر پروگرامیندا داغلیق قاراباغی «ارمنی تورپاغی» آدلاندیرمیشدی.
خاتیرلاداق کی، «تابناک» آگئنتلیینین ایران اوردوسونون (سپاه) سابیق کوماندانی محسن رضایییه عایید اولدوغو بیلدیریلیر. او، حاضردا ایرانین عالی مصلحت شوراسی کیمی مهم قورومونون کاتیبی وظیفهسینی توتور.
تاریخ
2020.07.16 / 15:59
|
مولف
Axar.az
|