روسییا فدراسییاسی فدرال مجلسی دؤولت دوماسینین صدری ویاچئسلاو وولودین ارمنیستانا آوروپا ایستروکتورلارینی رگیون‌داکی وضعیتین حلینه جلب ائتمک جهدلری ایله باغلی خبردارلیق ائدیب.

Axar.az خبر وئریر کی، بو باره‌ده ویاچسلاو وولودین بو گون مسکوادا آذربایجان میللی مجلیسینین صدری صاحبه غفارووا ایله گؤروشده بیلدیریب.

دولت دوماسینین صدری دئییب کی، رسمی باکی ایله ایروان آراسین‌دا مناسیبتلرین نورماللاشماسی آذربایجان، ارمنیستان و روسییا لیدرلرینین ایمضالادیغی بیاناتلارا اساسلانمالیدیر: «گلین اوندان چیخیش ائدک کی، آذربایجان، ارمنیستان و روسییانین دؤلت باشچیلاری سوییه‌سینده قبول ائدیلمیش قرارلاری وار. بیز بونو رهبر توتاجاق و اؤز طرفیمیزدن بو بیاناتلارین حیاتا کئچیریلمه‌سی اوچون هر شئی ائدجییک. آوروپا اینستیتوتلاری ایستیقامتین‌ده بیاناتلار وئره‌نلر ایسه ساده‌جه اولاراق اؤلکه‌نی ایتیره بیلرلر».

اونون سؤزلرینه گؤره، آوروپا پارلامنتینه مراجعت ائتممیشدن و بعضی مسئله‌لرین حلینه بو قورومو جلب ائتممیشدن اول بئله بیر سوالا جواب وئریلمه‌لیدیر: "عمومیتله، آوروپا پارلامنتینین، آشپا-نین اشتراکی ایله هانسی‌سا جدی مسئله و یا مناقیشه‌لی وضعیت حل اولونوبمو؟ بئله بیر نمونه یوخدور».

وولودین وورغولاییب کی، بونا گؤره ده آوروپا پارلامنتینی و آشپا-نی جلب ائتمک ایسته‌یه‌نلر ۱۰ دفعه دوشونملی و بونون نئجه بیتجیینی اؤلچوب-بیچملیدیرلر.