اوکراینا مئدیاسی غرب منبع‌لرینه ایستینادلا بیر نئچه گوندور ارمنیستانین روسییانین آپاردیغی ایشغالچی محاربه‌نین بیرباشا اشتراکچی‌سی اولدوغو حاق‌دا چوخ سرت مقاله‌لرله چیخیش ائدیر.

Axar.az خبر وئریر کی، غرب منبع‌لری روسییانین سانکسییالاردان یایینماسیندا ارمنیستانین اساس کاناللاردان بیری اولدوغونو وورغولاییبلار.

قید ائدیلیر کی، ارمنیستان روسییانین حربی صنایع‌سینین احتیاج دویدوغو آوادانلیقلاری آلماسیندا دا فعال اشتراک ائدیر.

«بئله‌لیکله، ایروان تهرانلا بیرگه اوکراینایا قارشی تجاوزده شریک کیمی چیخیش ائدیر»، - منبع‌لر بیلدیریر.

«پودروونوستی» (Podrobnosti.ua) سایتینین یازدیغینا گؤره، ارمنیستان روسلارا معیشت تکنیکاسی آلماق آدی آلتیندا دوشمنین حربی تکنیکاسینی غربین احتیاط حیصه‌لری ایله تعمین ائدیر.

«تلگراف» (Telegraf.com.ua) ایسه یازیر: «محض ارمنیستان بازاری واسطه‌سیله ایران درون-کامیکادزئلری اؤتورولور و بو سلاحلار اوکراینادا دینج شهرلری وورور. پولشانین «نیوسترن آوروپه» نشرینین معلوماتینا گؤره، ایران ارمنیستانین الی ایله روسییانین اوکراینایا قارشی محاربه‌سینی دستکلییر. آمریکادا رسمی منبع‌لر روسلارین ارمنیلرله امکداشلیغینی تصدیقلییر».

قزته.یوآ (Gazeta.ua): «تجاووزکارلا بئله «ساکیت» امکداشلیغین ان خوشاگلمز جهتی اودور کی، بو، تکجه مولکی ایستهلاک ماللارینا دئییل، هم ده حربی تجهیزاتا عاییددیر. اوکراینا مدافعه ناظیرلیینین باش کشفیات ایداره‌سی ده روسلارین ایروانین دستیی ایله ایشلدیکلری باره‌ده معلومات وئریر. بو جور معلومات آرتیق غرب طرفداشلاری طرفیندن ده تصدیقلنیب».

«سون بیر ایلده ایروان و مسکوا آراسین‌دا اقتصادی امکداشلیق اهمیتلی درجه‌ده آرتیب. ارمنیستان فاکتیکی اولاراق روسییا بازاری اوچون سانکسییا ماللارینین آلینماسی اوچون ترانزیت منطقه‌سینه چئوریلیب».

«گلاورئد»: «ارمنیلر غربده روسلار اوچون «رسمی آلیجییا» چئوریلیبلر. بئله‌لیکله، ایروان روسییا بازاری اوچون معاصر الکترون آوادانلیقلارین، سمارتفونلارین، ائلجه ده غرب برندلرینین یئنی آوتومبیللرینین آلینماسینا کمک ائدیر. ارمنیستان فاکتیکی اولاراق سویودوجو و پالتاریویان ماشینلاری آلیب، روسییا بازارینا گؤندرمکله کرملین اوکراینایا قارشی محاربه‌سینه یاردیم ائدیر».

«اوکرانیوس» (Ukranews): «ارمنیلر تکجه غرب‌ده‌کی لویال سیاستچیلر واسطه‌سیله دوشمنی سیاسی باخیمدان دستکلمیر، هم ده روسلارین غرب بازارلاریندا واسطه‌چیلری کیمی چیخیش ائدیرلر».

فاکتی.اوا (Fakty.ua): سون بیر ایلده مسکوا و ایروان ایکی اؤلکه آراسیندا تیجارت دؤورییه‌سینی کسکین آرتیریبلار. فاکتیکی اولاراق بو، اونا گؤره باش وئریب کی، ارمنیستان طرفی روسییا اوچون لازیم اولان، غربین سانکسییالاری اوجباتیندان الده اولونمایان ماللارین آلینماسی ایله مشغولدور».

قید ائدک کی، بو باره‌ده دفعه‌لرله مقاله‌لر درج ائتمیشیک. بئله کی، ۲۰۲۲-جی ایلده ائرمنیستان‌دا روسییایا اخراج ۴ دفعه آرتاراق، ۲،۵ میلیاردا چاتیب، روسییادان ارمنیستانا پول کؤچورمه‌لری ایسه اؤتن ایله ۵ دفعه آرتیب.

اقتصادچی اکسپرت ناطیق جعفرلی ده بیلدیرمیشدی کی، ان غریبه‌سی ارمنیستان‌دان روسییایا، مثلاً، الکتروتکنیکا ماللارینین اخراجینین بیر ایلده ۱۰ دفعه‌یه یاخین و یا باهالی و یئنی آوتومبیللرین احتیاط حصه‌لرینین ارمنیستان‌دان روسییایا اخراجینین ۱۲۰۰% آرتماسیدیر. «بوتون بونلار ارمنیستانین غرب سانکسییالاریندان یایینماسین‌دا روسییایا گؤستردیی قارداشلیق یاردیمینین نتیجه‌سیدیر»، - ن.جعفرلی بیلدیرمیشدی.