ارمنیستان آرازده‌یه‌نده انشا ائدیلن متاللورگیا زاوودونا آمریکا بایراغی آسماق ایستییر: حساب ائدیرلر کی، زاووددا آمریکا بایراغی آسیلارسا، «آذربایجان آتش آچماقدان چکینجک».

Axar.az خبر وئریر کی، بو باره‌ده سیاسی مشاهده‌چی عاصیف نریمانلی قید ائدیب.

او بیلدیریب کی، ایروان بونونلا باغلی آمریکانین ارمنیستانداکی سفیرلیی ایله مذاکره‌لر آپاریب، راضیلیق الده اولونوب:

«ارمنیستان آمریکا-دان اولان اینوستیسیا ایله متاللورگیا زاوودونو آرازده‌یه‌نده انشا ائتمکله کرکی کندینین حربی یوللا آزاد ائدیلمه‌سی پرسپکتیوی اؤنونده «قالخان» قازانماغی پلانلاشدیریر. آمریکا بایراغینی زاوودا گتیرمک ایستکلری بو نیتلرینین اثباتی حساب ائدیله بیلر».