آذربایجاندا بیر گروپ اکسپرتین فکرینجه، اصلینده ارمنیستانلا روسیا اویون اویناییرلار،آرالارینداکی گرگین مناسبتلر اویونون بیر حصهسیدیر. بو گروپون قناعتینه گؤره، غربین سانکسییالاری آلتیندا اولان روسیا اونا لازم اولان تخنولوژی آوادانلیقلاری ارمنیستان اوزریندن الده ائدیر: یعنی روسیا تخنولوگییالارا ییهلنیر، ارمنیستان ایسه پول قازانیر. غربین بو سؤودلشمهدن شبههلی اولماماسی اوچون ارمنیستان-روسیا گرگینلیی گؤرونتوسو یارادیلیر. بئله بیر سوالی دا گوندهمه گتیریرلر: کرئمل نیکول پاشینیاندان بو قدر ناراضیدیرسا، ایندییهنه قدر نیه اونو جزالاندیرماییب، آخی الینده کفایت قدر آلتلری وار؟
Axar.az خبر وئریر کی، بو سؤزلری پولیتولوق ائلخان شاهیناوغلو قید ائدیب.
پولیتولوق قید ائدیب کی، بو یاناشمانی تام بؤلوشمور:
«اما باش ناظر نیکول پاشینیانین بیر آیاغینین غربده اولدوغو، دیگر آیاغینی ایسه روسیادان چکمدیی ده حقیقتدیر. ایستاتیستیکایا گؤره، اوکراینایا قارشی اشغالچی محاربه باشلادیقدان سونرا ارمنیستانلا روسیا آراسیندا ایدخال-اخراج عملیاتلاری شبههلی شکلده آرتیب. بو دا اونونلا علاقهلندیریرکی، ارمنیستان روسیییا لازم اولان تخنولوگییالاری غربدن آلاراق مسکوایا اؤتورور. بونا باخمایاراق، روسیانین «یوخاری لارس» سرحد کئچید منطقهسینده ارمنیستانا عاید کند تصرفاتی محصوللارینین کئچیدینه امکان وئرممهسی اویون دئییل، رئاللیقدیر.
ماراقلیدیر کی، بیر گروپ ارمنی اکسپرتی اوخشار سؤزلری آذربایجان-آمریکا مناسبتلری حاقیندا دئییر. گویا آذربایجان-آمریکا گرگین مناسبتلری ده اویوندور، مقصد روسیانین غربله یاخینلاشان ارمنیستانا تضییقینی آرتیرماسی و ایروانین کرملله موناسبتلرینین گرگینلشمهسینه نائل اولماقدیر. ارمنی اکسپرتلری بونون هم آمریکا-نین، هم ده آذربایجانین ماراقلارینا جواب وئردیینی ادعا ائدیرلر. حقیقت بوندان عبارتدیر کی، واشینگتون آذربایجانلا باغلی خارجی سیاستینی کوررکته ائتمهلیدیر، ایکی دولت آراسیندا تهلوکهسیزلیک و انرژی ساحهسینده ایللرین امکداشلیغی موجوددور. بو اویون دئییل، رئاللیقدیر».