واشینگتون ایرانین حماس لیدری اسماعیل هنیه‌نین اؤلدورولمه‌سینین انتقامینین بؤلگه‌ده گرگینلیی آرتیراجاغی باره‌ده تهرانی خبردار ائدیب. آمریکا-یلا ایران اوزون مدتدیر کی، عمان دولتی اوزریندن دانیشیقلار آپاریر، مختلف موضوع‌لاری مذاکره ائدیرلر. آیدیندیر کی، تهران نسه ائتمه‌لیدیر، چونکی قوناغینی ائوینده اؤلدوروبلر. آنجاق تهرانین انتقامینین اول‌کیلردن چوخ دا فرقلنمیجیی و اسرائیله ضرر وورمایاجاغی پروگنوزلاشدیریلیر.

Axar.az خبر وئریر کی، بو باره‌ده «آتلاس» آراشدیرمالار مرکزینین آنالیزینده بیلدیریلیب

قید ائدیلیب کی، واشینگتون تهرانی ساکتلشدیرمکله یاناشی ایرانا قارشی یئنی سانکسییالار تطبیق ائتمکدن ده چکینمیر:

«آمریکا مالیه ناظیرلیی ایولون ۳۰-دا ایران و چیندن اولان ۵ فیزیکی و ۷ حقوقی شخصه سانکسییا تطبیق ائدیب. بو شخصلر ایرانین بالستک راکتلری اوچون کمپوننتلرین آلینماسینا یاردیم ائد‌نلردیر. بونونلا باغلی یاییملانان معلوماتدا دئییلیب کی، سانکسییا تطبیق ائدیله‌ن شخصلر ایرانین بالستیک راکت و پیلوت‌سوز اوچوش آپاراتلاری پروگرامینین اساس المنتلری اولان مختلف کمپوننتلر، او جمله‌دن آکسلرومترلر و گیروسکوپلار آلیبلار. آمریکا شرکتلرینه سانکسییا تطبیق ائدیله‌ن شخصلرله علاقه قاداغان ائدیلیب.

واشینگتون معیینلشدیریب کی، هونکونگدا اولان شرکتلر ایرانین بالستیک راکتلرین و درونلارین استحصالی پروگرامی اوچون ضروری کمپوننتلر آلیرلار. سفارشچی ایرانینن مدافعه ناظیرلیی‌دیر. او دا معییلشدیریلیب کی، چینده‌کی «بیژینگ سنتد» شرکتی بیرباشا ایران مدافعه ناظیرلیینین سفارشلرینی حیاتا کئچیریر. بئله چیخیر کی، روسیانین ایراندان آلدیغی پیلوت‌سوز اوچوش آپاراتلارینین کمپوننتلری چینده استحصال اولونور. روسیا عینی زمان‌دا بو تخنولوگییالاردان اوکراینا ساواشیندا استفاده ائتمک اوچون اراضی‌سینده زاوود دا انشا ائدیب. اوکراینا همین زاوودا بیر نئچه دفعه راکت ضربه‌سی ائندیریب».