سنتیابرین ۱۶-دا آمریکا دولت کاتبی انتونی بلینکن آذربایجان رسپوبلیکاسینین پرزیدنتی ایلهام علیئوه زنگ ائدیب.

Axar.az خبر وئریر کی، بو باره‌ده پرزیدنتین مطبوعات خدمتی معلومات یاییب.

انتونی بلینکن ارمنیستانلا آذربایجان آراسیندا داواملی صلحون الده اولونماسینین واجبلیینی وورغولایاراق، آمریکا بیرلشمیش اشتاتلارینین بو مقصده نایل اولونماسی اوچون بوندان سونرا دا سعیلرینی اسیرگمیجیینی بیلدیریب. او، ارمنیستانلا آذربایجان آراسین‌دا سرحدلرین دلیمیتاسییاسی ساحه‌سینده الده ائدیلمیش نائلیتلری، او جمله‌دن دولت سرحدینین دلیمیتاسییاسی اوزره کمیسیالارین بیرگه فعالیتی حاقیندا اساسنامه‌نین موافق قایدادا ۲۰۲۴-جو ایل آوگوستون ۳۰-دا امضالانماسینی مثبت آددیم کیمی قیمتلندیریب.

رگیون‌دا آرتیق صلحون موجود اولدوغونو دئیه‌ن دولتیمیزین باشچی‌سی وورغولاییب کی، محض آذربایجانین سعیلری نتیجه‌سینده بؤلگه‌میزده عدالته و بین‌الخالق حقوقا اساسلانان یئنی رئاللیقلار و استاتوس-کوو یارانیب. پرزیدنت ایلهام علیئو ارمنیستانلا آذربایجان آراسیندا صلح مقاوله‌سینین تشببوسکارینین دا محض اؤلکه‌میز اولدوغونو قید ائد‌رک بو مقاوله‌نین امضالانماسی اوچون ارمنیستانین اؤز کونستیتوسییاسی و دیگر قانونوئریجی آکتلاری اساسیندا آذربایجانا قارشی اولان اراضی ادعالارینا سوی قویماسینین، همچنین کئچمیشین قالیغی اولان آوروپا تهلوکه‌سیزلیک و امکداشلیق تشکیلاتی-نین مینسک گروپو و اونونلا باغلی اولان بوتون تاسیساتلارین فعالیتینه سون قویولماسینین واجبلیینی وورغولاییب. سرحدلرین دلیمیتاسییاسی مسئله‌سینه توخونان پرزیدنت ایلهام علیئو ایکی‌طرفلی پروسس چرچیوه‌سینده الده اولونموش مثبت نتیجه‌لری قید ائدیب و اساسمانه اساسیندا بو پروسسین آپاریلاجاغینی بیلدیریب.

تلفون صحبتی زمانی کوپ۲۹-اون اؤلکه‌میزده کئچیریلمه‌سی مسئله‌سینه توخونولوب.

انتونی بلینکن کوپ۲۹-اون اوغورلا کئچیریلمه‌سی اوچون اؤلکه‌سینین آذربایجانا دستک گؤستردیینی قید ائد‌رک آذربایجان ایله آمریکا-نین کوپ کماندالارینین و هیئتلرینین یاخیندان امکداشلیق ائتدیکلرینی وورغولاییب.

بو امکداشلیقدان ممنونلوغونو ایفاده ائد‌ن پرزیدنت ایلهام علیئو کوپ چرچیوه‌سینده اقلیم مالیه‌لشدیریلمه‌سی ایله علاقه‌دار مهم قرارلارین قبول ائدیلمه‌سی ایله باغلی خصوصیله انکشاف ائتمیش دولتلر طرفیندن کونسنسوسون الده ائدیلجیینه امیدوار اولدوغونو دئییب.

تلفون دانیشیغی زمانی آذربایجان ایله آمریکا آراسیندا ایکی‌طرفلی مناسبتلره دایر فکر مبادله‌سی آپاریلیب.