دموکراتلار پارتییاسی (آمریکادا – رئد.) اقتداردا اولدوغو دؤنم‌ده روسییا-اوکراینا محاربه‌سی باشلادی. عینی زاماندا یاخین شرق یئنی و ایری‌میقیاسلی محاربه‌یه سوروکلنیر. محض ائله بو محاربه‌لره اعتراض ائد‌ن آمریکالی سئچیجیلر دموکراتلار پارتییاسینین نامیزدی کامالا هارریسه یوخ، رسپوبلیکاچیلار پارتییاسینین نامیزدی، سابیق پرزیدنت دونالد ترامپا سس وئره‌جکلر.

Axar.az خبر وئریر کی، بو سؤزلری آوروپادا یاشایان ژورنالیست ائل‌بیی حسنلی قید ائدیب.

اونون فیکرینجه، ترامپ هر ایکی محاربه‌نی دوردورماق امکانین‌دادیر:

«او دا گون کیمی آیدیندیر کی، دموکراتلارین بئله بیر شانسی یوخدور. فرصتی الدن وئریبلر. یانلیش و پروسئسلرین گئدیشینه یکه‌خانا مناسیبت غربی ناقولای وضعیتده قویوب...

دونالد ترامپین گلیشی هم ده ارمنیستان اوچون فلاکت دئمکدیر. امینم کی، نیکول پاشینیان دا بو پرسپکتیوی گؤرور. اونا گؤره ده او، کوپ۲۹-آ قدر صلح سازیشی آدینا نسه بیر مقاویله امضالاماغا جان آتیر. ایلهام علیئو ده بیلیر کی، دونالد ترامپین گلیشی ایله آمریکادا آذربایجانا مناسیبت کؤکلو شکیلده مثبته دوغرو دییشه‌جک. تورکییه و روسییایا دا همچینین. بو ایسه آذربایجانین الینی داها دا گوجلندیره‌جک. اونا گؤره ده ایلهام علیئو نیکول پاشینیانین تکلیف ائتدیی یاریمچیق صلح مقاویله‌سینه ماراق گؤسترمیر. چونکی او، یاخشی بیلیر کی، دونالد ترامپین گلیشیندن سونرا ارمنیستان ایندی راضیلیق وئرمه‌دیی تکلیفلره همن راضیلیق وئره‌جک. امینم کی، اوندا دا آذربایجان بونونلا راضیلاشمایاجاق. چونکی ایلهام علیئو ماکسیمالیست سیاستچی‌دیر. ارمنیستان‌دان نه قوپارماق ممکوندورسه، اونو سون ذره‌سینه قدر قوپارمایینجا دایانمایاجاق.

گورجوستان‌دا کئچیریلن سئچکیلری غرب روسییایا اودوزسا دموکراتلار پارتییاسینین آمریکادا اقتداردان گئدجه‌یینی اولجه‌دن سؤیله‌مک اولار».
قید ائدک کی، آمریکادا پرزیدنت سئچکیلری ۵ نویابردا باش توتاجاق.